ରଞ୍ଜିତ ପଣ୍ଡା
କୁଜଙ୍ଗ : ବ୍ରାହ୍ମଣ ସୁରକ୍ଷା ପରିଷଦ ଓଡ଼ିଶା ପକ୍ଷରୁ ଆଜି ସ୍ଥାନୀୟ ମହ୍ଲାସାହି ସ୍ଥିତ ଗ୍ରାମଦେବତୀ ମା କେନ୍ଦୁଳାଇ ମନ୍ଦିର ପରିସର ମଧ୍ୟରେ ଏକ କରୋନା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଜନ ସଚେତନତା କାର୍ଯ୍ୟକ୍ରମ ସହିତ ବ୍ରାହ୍ମଣ ମାନଙ୍କୁ ମାସ୍କ, ସାନିଟାଇଜର ଏବଂ ଶୁଖିଲା ଖାଦ୍ୟ ପ୍ରଦାନ କରାଯାଇଛି । ମହ୍ଲାସାହି ବ୍ରାହ୍ମଣ ଶାସନର ମୁଖ୍ୟ ଉପଦେଷ୍ଟା ବଲ୍ଲଭଚରଣ ପାଣୀଙ୍କ ନେତୃତ୍ବରେ ଆୟୋଜିତ କାର୍ଯ୍ୟକ୍ରମରେ ପ୍ରତ୍ୟେକ ପରିବାରକୁ ସାନିଟାଇଜର୍ ପ୍ରଦାନ କରାଯାଇଥିଲା । ଏହା ସହିତ ପ୍ରତ୍ୟେକ ବ୍ୟକ୍ତି ସାମାଜିକ ଦୂରତାକୁ ପ୍ରାଧାନ୍ୟ ଦେବା ପାଇଁ ସଚେତନତା ବାର୍ତ୍ତା ପ୍ରଦାନ କରାଯାଇଥିଲା ।
ଏହି ସଚେତନତା କାର୍ଯ୍ୟକ୍ରମରେ ଦିବାକର ପାଣି, ବଳରାମ ଦାଶ, ରବୀନ୍ଦ୍ରନାଥ ପାଣି, କୃପାସିନ୍ଧୁ ପାଣି, ଅଜୟ କୁମାର ଦାଶ, ମନୋଜ କୁମାର ପାଣି, ମନୋରଞ୍ଜନ ପଣ୍ଡା, ଶକ୍ତିଧର ମିଶ୍ର, ଅଭିମନ୍ୟୁ ଷଡଙ୍ଗୀ ଏବଂ ମାଧବ ଚରଣ ପାଣି ମୁଖ ସହଯୋଗ କରିଥିଲେ । ପରିଷଦର ସଭାପତି ବିଭୁରଞ୍ଜନ ନନ୍ଦ ଏବଂ ସମ୍ପାଦକ ଆଲୋକ କୁମାର ପଣ୍ଡା ଉପସ୍ଥିତ ବ୍ରାହ୍ମଣଙ୍କୁ ସଦ୍ଭାବନାର ଭେଟି ସ୍ବରୂପ ମାସ୍କ ଏବଂ ସାନିଟାଇଜର୍ ପ୍ରଦାନ କରିଥିଲେ । ଏହି ସଚେତନତା କାର୍ଯ୍ୟକ୍ରମରେ ମହ୍ଲାସାହି , ବାଲିଆ, ଅରଖିଆ, ତେଣ୍ଟାଇକୁଦ, ଗୌରପଡାର ବ୍ରାହ୍ମଣ ମାନେ ଯୋଗ ଦେଇଥିଲେ ।