ଭୁବନେଶ୍ବର : ଦେଶବ୍ୟାପୀ ଚତୁର୍ଥ ପର୍ଯ୍ୟାୟର ଲକ୍ଡାଉନ୍ ଘୋଷଣା କରାଯାଇଥିବା ବେଳେ ଅନେକ ଲୋକ ମୁଠାଏ ଖାଇବାକୁ ପାଉନାହନ୍ତି । ଏପରି ଘଡିସନ୍ଧି ମୂହୂର୍ତ୍ତରେ ଅସହାୟ ଲୋକଙ୍କୁ ସହାୟତାର ହାତ ବଢାଇଛି ଖୁସନସୀବ୍ ଫାଉଣ୍ଡେସନ୍ । ଦିନ ମଜୁରିଆ ଏବଂ ବିଭିନ୍ନ ବସ୍ତି ମାନଙ୍କରେ ଖାଇବାକୁ ପାଉନଥିବା ଲୋକଙ୍କ ନିକଟରେ ପହଞ୍ଚି ସହାୟତାର ହାତ ବଢାଉଛି ଏହି ସଙ୍ଗଠନ । ଏହି ସଙ୍ଗଠନର ସଦସ୍ୟ ମାନେ ନିଜ ପକେଟ ଖର୍ଚ୍ଚରୁ କାଟି ଦୈନିକ 350 ପ୍ୟାକେଟ୍ ରାସନ ସାମଗ୍ରୀ ପ୍ରଦାନ କରୁଛନ୍ତି । ବିଗତ ତିନିଦିନ ଧରି ନୟାପଲ୍ଲୀର ଦୁର୍ଗା ମଣ୍ଡପ ନିକଟରେ ଦୈନିକ ରନ୍ଧାଖାଦ୍ୟ ସହିତ ରାସନ ପ୍ୟାକେଟ୍ ପ୍ରଦାନ କରୁଛନ୍ତି । ଖୁସନସିବ୍ ଫାଉଣ୍ଡେସନ୍ର ମୁଖ୍ୟ ସାଗର କୁମାର ସାହୁଙ୍କ ନେତୃତ୍ବରେ ନୀତେଶ କୁମାର, ସ୍ବୟମ୍, ଅନୁପମ, ଜିତେନ୍ଦ୍ର ଏବଂ ଆଦର୍ଶ ବିଭିନ୍ନ ବୃଦ୍ଧାଶ୍ରମ ଭ୍ରମଣ କରି ରନ୍ଧାଖାଦ୍ୟ ପ୍ରଦାନ କରୁଥିବା ଜଣାପଡିଛି ।
