ସୀତାରାମ ଅଗ୍ରଓ୍ବାଲ
ବାଣପୁର : ଭାରତୀୟ ହକିର କିମ୍ବଦନ୍ତୀ ପୁରୁଷ ମେଜର ଧ୍ୟାନଚାନ୍ଦଙ୍କ ଜନ୍ମଦିବସ ଅଗଷ୍ଟ ୨୯ ତାରିଖ ଦିନଟି ଦେଶର କ୍ରୀଡାବିତ୍ମାନଙ୍କ ପାଇଁ ଉତ୍ସର୍ଗୀକୃତ କ୍ରୀଡା ଦିବସ ଭାବରେ ନାମିତ । କ୍ରୀଡା ଭାରତୀ ବାଣପୁର ଶାଖା ତରଫରୁ ସ୍ଥାନୀୟ ସରସ୍ବତୀ ଶିଶୁ ବିଦ୍ୟାମନ୍ଦିର ପରିସରରେ ଏହା ପାଳିତ ହୋଇଯାଇଛି । ଏ ଉପଲେକ୍ଷ ଆୟୋଜିତ ଏକ ନିରାଡମ୍ବର ଉତ୍ସବରେ କ୍ରୀଡା ଭାରତୀ ବାଣପୁର ଶାଖାର ସଂଯୋଜକ ଶ୍ରୀ ବୈରାଗୀ ଚରଣ ବଳ ମେଜର ଧ୍ୟାନ ଚାନ୍ଦଙ୍କ ଜୀବନୀ ସମ୍ପର୍କରେ ଉଲ୍ଲେଖ କରି କ୍ରୀଡାର ମହତ୍ତ୍ବ ସମ୍ପର୍କରେ ଆଲୋଚନା କରିଥିଲେ । କ୍ରୀଡା ପ୍ରଶିକ୍ଷକ ଶ୍ରୀ ବିଭୁଦେନ୍ଦୁ ମାନସିଂହ କାର୍ଯ୍ୟକ୍ରମ ପରିଚାଳନା କରିଥିବାବେଳେ କ୍ରୀଡା ଭାରତୀର ସଦସ୍ୟ ଶ୍ରୀ କୈଳାସ ଚନ୍ଦ୍ର ଖୁଣ୍ଟିଆ, ପ୍ରଫୁଲ୍ଲ ପାତ୍ର, କଳ୍ପଶ୍ରୀ ପ୍ରଧାନ ପ୍ରମୁ୍ଖ ଏଥିରେ ଯୋଗ ଦେଇଥିଲେ ।
Tags:
