ପୁନେ : କେନ୍ଦ୍ର ମନ୍ତ୍ରୀ ରାଓସାହେବଙ୍କ ଜ୍ବାଇଁ ହର୍ଷବର୍ଦ୍ଧନ ଯାଦବଙ୍କୁ ପୁନେଠାରେ ଗିରଫ କରାଯାଇଛି । ଔରଙ୍ଗାବାଦ ଜିଲ୍ଲା କନ୍ନଡ ବିଧାନସଭା ନିର୍ବାଚନ କ୍ଷେତ୍ରର ବିଧାୟକ ରହିଥିବା ହର୍ଷବର୍ଦ୍ଧନଙ୍କୁ ଗୁଣ୍ଡାଗର୍ଦ୍ଦି ପାଇଁ ଗିରଫ କରଯାଇଛି । ରାସ୍ତାରେ ଯାଉଥିବା ବାଇକ ଚାଳକଙ୍କୁ ପିଟିବା ଅଭିଯୋଗରେ ତାଙ୍କୁ ଗିରଫ କରାଯାଇଥିବାର ସୂଚନା ରହିଛି । ଏହାପରେ କେନ୍ଦ୍ରମନ୍ତ୍ରୀଙ୍କ ଜ୍ବାଇଁଙ୍କୁ ରାତିସାରା ହାଜତ ଭିତରେ ରହିବାକୁ ପଡିଛି ।
ମିଳିଥିବା ସୂଚନା ଅନୁସାରେ ସୋମବାର ଦିନ ରାତ୍ରି 8ରୁ 9 ଘଟିକା ସମୟରେ ହର୍ଷବର୍ଦ୍ଧନ ଯାଧବ ପୁଣେରୁ କାର୍ ଯୋଗେ କୁଆଡେ ଯାଉଥିଲେ । ହର୍ଷବର୍ଦ୍ଧନ କାର୍ର ଡୋର୍ ଖୋଲିବା ସମୟରେ ଏକ ବାଇକ୍ ଆଜି କାର୍ର ଡୋର୍ରେ ବାଡେଇ ହୋଇଥିଲା । ଏହାପରେ ବାଇକ୍ ଚାଳକ ଓ ତାଙ୍କ ସହ ଥିବା ମହିଳା ରାସ୍ତାରେ ପଡିଯାଇଥିଲେ । ଏହି ଘଟଣାକୁ ନେଇ ଦୁହିଁଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଏହାପରେ ହର୍ଷବର୍ଦ୍ଧନ ବାଇକ୍ ଚାଳକଙ୍କ ଲାତ ଗୋଇଠା ମାରି ପିଟିଥିବାର ଅଭିଯୋଗ ହୋଇଛି ।
55 ବର୍ଷୀୟ ବାଇକ୍ ଚାଳକ ଜଣକ ଏଞ୍ଜିଆେପ୍ଲାଷ୍ଟୀ ଓ ଓପନ୍ ହାର୍ଟ ସର୍ଜରୀ କରିଥିବାର ସୂଚନା ଦେଇଛି ପୋଲିସ୍ । ହର୍ଷବର୍ଦ୍ଧନ ଲୋକଙ୍କୁ ନିର୍ଦ୍ଦୟତାର ସହ ପିଟିଥିବାର ଅଭିଯୋଗ କରିଛନ୍ତି ସମ୍ପୃକ୍ତ ବାଇକ୍ ଚାଳକ । ଏହି ଘଟଣା ପରେ କିଛି ଦୂର ପରେ କିଛି ଅଜ୍ଞାତ ଲୋକେ ଡିଏଭି ସ୍କୁଲ୍ ନିକଟରେ ହର୍ଷବର୍ଦ୍ଧନ ଯାଧବଙ୍କୁ ମାଡ ମାରିଥିଲେ । ଏହାପରେ ପୋଲିସ୍ ଦୁଇ ପକ୍ଷଙ୍କର ଅଭିଯୋଗ ଶୁଣିବା ସହିତ ହର୍ଷବର୍ଦ୍ଧନଙ୍କୁ ପୋଲିସ୍ ଷ୍ଟେସନ ନେଇଥିଲେ ।
ଛୋଟ କଥାରୁ ଆରମ୍ଭ ହୋଇ ଶେଷରେ ହର୍ଷବର୍ଦ୍ଧନ ଗିରଫରେ କଥା ଶେଷ ହୋଇଥିଲା । ଦୁଇ ପକ୍ଷଙ୍କ ସହ ଝଗଡା ହେବା ପରେ ସହମତି ଭିତ୍ତିରେ ଏହାର ସମାଧାନ ପାଇଁ ରାଜି ହୋଇଥିଲେ । କିନ୍ତୁ ଅଭିଯୋଗକର୍ତ୍ତା ଅଚାନକ ନିଜର ନିଷ୍ପତ୍ତି ବଦଳାଇ ଅଭିଯୋଗ ପ୍ରତ୍ୟାହାର କରିବାକୁ ମନା କଲେ । ଏହାପରେ ମନ୍ତ୍ରୀଙ୍କ ଜ୍ବାଇଁ ହର୍ଷବର୍ଦ୍ଧନଙ୍କୁ ଗିରଫ କରାଯାଇଥିଲା । ପୂର୍ବତନ ବିଧାୟକ ତଥା କେନ୍ଦ୍ର ମନ୍ତ୍ରୀଙ୍କ ଜ୍ବୋଇଙ୍କୁ ଡିସେମ୍ବର 15 ତାରିଖରେ ହାଜତରେ ରହିବାକୁ ପଡିଥିଲା । ତାଙ୍କ ଉପରେ ହତ୍ୟା ଉଦ୍ୟମର ଅଭିଯୋଗ ରହିଥିବାବେଳେ ଦ୍ବିତୀୟ ପକ୍ଷ ଉପରେ ମଧ୍ୟ କେସ୍ ହୋଇଛି । (ଏଜେନ୍ସି)