ତେଲଙ୍ଗାନା, ଲକଡାଉନ ଥିଲା ବେଳେ ଶିକ୍ଷକ ଅନ ଲାଇନରେ କ୍ଲାସ କରୁଥିଲେ। ହେଲେ ଯେଉଁମାନଙ୍କର ସ୍ମାଟ ଫୋନ ନ ଥିଲା ସେମାନଙ୍କୁ ଏକୁଟିଆ ସ୍କୁଲକୁ ଡାକି କରିଛନ୍ତି ବଳତ୍କାର। ଏପରି ଏକ ଘଟଣା ତେଲଙ୍ଗାନା ପ୍ରାଥମିକ ବିଦ୍ୟାଳୟରେ ଘଟିଛି। ଚାଳିଷ ବର୍ଷିୟ ଜଣେ ଶିକ୍ଷକ ଲକଡାଉନ ସମୟରେ 9 ଜଣ ଛାତ୍ରୀଙ୍କୁ ବଳତ୍କାର କରିଥିବାର ଜଣାପଡିଛି। ମାମଲା ଋଜୁ ହେବା ପରେ ପୋଲିସ ପକ୍ସୋ ଆଇନ ବଳରେ ଶିକ୍ଷକଙ୍କୁ ଗିରଫ କରି ଜେଲ ପଠାଇ ଦେଇଛନ୍ତି।
ଘଟଣାରୁ ଜଣାପଡିଛି ଯେ, ଶିକ୍ଷକ ଜଣଙ୍କ ଅନ ଲାଇନରେ କ୍ସାସ କରୁଥିଲେ। ହେଲେ ଯେଉଁମାନଙ୍କର ସ୍ମାର୍ଟଫୋନ ନ ଥିଲା ସେମାନଙ୍କୁ ସ୍କୁଲକୁ ଡାକି କ୍ଲାସ କରୁଥିଲେ। ସାରଙ୍କର ଏପରି ବଦାନ୍ୟତା ନେଇ ସମସ୍ତେ ବାହାଃ ବାହାଃ କରୁଥିଲେ। ହେଲେ ତା ଭିତରେ ଯେ କାମୁକ ଗୁଣ ଲୁଚି ରହିଛି କେହି ଜାଣିପାରିଲେ ନାହିଁ।
ତେବେ ଜଣେ ଛାତ୍ରୀ ବଳତ୍କାର ପରେ ଅସୁସ୍ଥ୍ୟ ହୋଇପଡି ହସପିଟାଲରେ ଭର୍ତି ହେବା ପରେ ଘଟଣାଟି ପଦାକୁ ଆସିଥିଲା। ଅସୁସ୍ଥ୍ୟ ଛାତ୍ରୀଙ୍କୁ ଘଟଣା ସଂପର୍କରେ ପଚାରିବା ପରେ ସେ ଶିକ୍ଷକଙ୍କର କାରନାମା ସଂପର୍କରେ କହିଥିଲେ। ଫଳରେ ଛାତ୍ରୀଙ୍କ ପିତା ଏବଂ ଗାଁ ଲୋକେ ଏହା ଜାଣିବା ପରେ ଶିକ୍ଷକଙ୍କୁ ଧୂମ ପିଟିଲେ।
ପରେ ପୋଲିସ ଖବର ପାଇବା ପରେ ଶିକ୍ଷକଙ୍କୁ ଉଦ୍ଦାର କରି ଥାନାକୁ ନେଇଗଲେ। ସେଠାରେ ତାଙ୍କୁ ପଚାରିବା ପରେ ଆଉ 8 ଜଣ ଛାତ୍ରୀଙ୍କୁ ଏହିପରି ବଳତ୍କାର କରିଥିବା କହିଥିଲେ। ଏହି ଖବର ଜଣାପଡିବା ପରେ ସେହି ଅଞ୍ଚଳରେ ଉତ୍ତେଜନା ସୃଷ୍ଟି ହୋଇଛି। ପୋଲିସ ପସ୍କୋ ଆଇନି ବଳରେ ଶିକ୍ଷକଙ୍କୁ ଗିରଫ କରି ଜେଲ ପଠାଇ ଦେଇଛନ୍ତି।
