ନୂଆଦିଲ୍ଲୀ: ଆଜି ଦୁନିଆର ସବୁଠାରୁ ଧନୀ ବ୍ୟକ୍ତି ତଥା ଆମାଜନର ପ୍ରତିଷ୍ଠାତା ଜେଫ୍ ବେଜୋସ୍ ମହାକାଶ ଯାତ୍ରା କରି ଇତିହାସ ସୃଷ୍ଟି କରିବାକୁ ଯାଉଛନ୍ତି। ସେ ନିଜର ବ୍ୟକ୍ତିଗତ ରକେଟ୍ ସହିତ ମହାକାଶ ଯାତ୍ରା କରିବେ। ବେଜୋସ ସୋମବାର ସକାଳେ ଇନଷ୍ଟାଗ୍ରାମରେ କହିଛନ୍ତି ଯେ ସେ, ତାଙ୍କ ଭାଇଙ୍କ ସମେତ ୪ ଜଣ ଯାତ୍ରୀ ମହାକାଶଯାନରେ ଯାତ୍ରା କରିବେ। ଏହି ଐତିହାସିକ ମହାକାଶ ଯାତ୍ରା ଆଜିଠାରୁ ଆରମ୍ଭ ହେବ।
ଏହି ଯାତ୍ରାରେ ଟେକ୍ସାସରୁ ମହାକାଶକୁ ଏକ ସଂକ୍ଷିପ୍ତ ଯାତ୍ରା ହେବ। ଆଜି ତାରିଖରେ ଆପୋଲୋ-୧୧ ଚନ୍ଦ୍ର ପୃଷ୍ଠରେ ପହଞ୍ଚିଥିଲା। ତେଣୁ ଆଜି ଆପୋଲୋ-୧୧ ଚନ୍ଦ୍ରରେ ପହଞ୍ଚିବାର ବାର୍ଷିକୀ ମଧ୍ୟ ପାଳନ କରାଯାଉଛି।
ଫେବୃଆରୀ ପ୍ରାରମ୍ଭରେ ବେଜୋସ୍ କହିଥିଲେ ଯେ ସେ ଅନ୍ୟ କାର୍ଯ୍ୟରେ ଅଧିକ ସମୟ ଦେବା ଏବଂ ତାଙ୍କ କମ୍ପାନୀ ବ୍ଲୁ ଅରିଜିନ୍ ଉପରେ ଧ୍ୟାନ ଦେବା ପାଇଁ ଆମାଜନ ସିଇଓ ପଦରୁ ଇସ୍ତଫା ଦେବାକୁ ଚାହୁଁଛନ୍ତି।
ବେଜୋସ୍ ଇନଷ୍ଟାଗ୍ରାମରେ କହିଛନ୍ତି, ମହାକାଶରୁ ପୃଥିବୀକୁ ଦେଖିବା, ଆପଣଙ୍କୁ ବଦଳାଇଥାଏ, ଏହି ଗ୍ରହ ସହିତ ଆପଣଙ୍କର ସମ୍ପର୍କକୁ ବଦଳାଇଥାଏ। ମୁଁ ଏହି ବିମାନରେ ଯାତ୍ରା କରିବାକୁ ଚାହୁଁଛି କାରଣ, ଏହା ଏଭଳି ଏକ ଜିନିଷ ଯାହା ମୁଁ ମୋ ଜୀବନରେ କରିବାକୁ ଚାହୁଁଥିଲି। ଏହା ମୋ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ”
