ଭୁବନେଶ୍ବର: ଆଜିଠାରୁ ବିଶ୍ବ ପ୍ରସିଦ୍ଧ କୋଣାର୍କର ମୁକ୍ତାକାଶ ରଂଗମଞ୍ଚରେ ଆୟୋଜିତ ହେବ କୋଣାର୍କ ଉତ୍ସବ। କୋଭିଡ କଟକଣା ଭିତରେ ଏହି ଉତ୍ସବର ଆୟୋଜନ କରୁଛନ୍ତି ରାଜ୍ୟ ପର୍ଯ୍ୟଟନ ବିଭାଗ। ପାଞ୍ଚଦିନ ଧରି ଆୟୋଜିତ ଏହି ଉତ୍ସବରେ ଜାତୀୟ ତଥା ଅନ୍ତର୍ଜାତୀୟ ନୃତ୍ୟଶିଳ୍ପି ଯୋଗଦେବେ। ଏହି ପାଞ୍ଚଦିନରେ ଯେଉଁମାନେ ନୃତ୍ୟ ପ୍ରଦର୍ଶନ କରିବେ ସେମାନେ ହେଲେ
ପ୍ରଥମ ସଂଧ୍ୟା- ପ୍ରଖ୍ୟାତ ଓଡିଶୀ ନୃତ୍ୟଶିଳ୍ପୀ ପଦ୍ମଶ୍ରୀ ମାଧବୀ ମୁଦଗଲ ଓଡିଶୀ ସହିତ ରହିଛି ଭାସ୍ବତୀ ମିଶ୍ରଙ୍କର କଥକ ନୃତ୍ୟ
ଦ୍ବିତୀୟ ସଂଧ୍ୟା- ପ୍ରଥମେ ଗୁରୁ ଅନିତା ଶର୍ମାଙ୍କ କଥକ ନୃତ୍ୟ ସହିତ ଦ୍ବିତୀୟ କାର୍ଯ୍ୟକ୍ରମରେ ପରିବେଷଣ ହେବ ଗୁରୁ ନିଂରଜନ ରାଉତଙ୍କ ଓଡିଶୀ ନୃତ୍ୟ।
ତୃତୀୟ ସଂଧ୍ୟା- ପ୍ରଖ୍ୟାତ ନୃତ୍ୟଶିଳ୍ପୀ ଦେବମିତ୍ରା ସେନଗୁପ୍ତାଙ୍କ ଓଡିଶୀ ନୃତ୍ୟ ସହିତ ଗୋପିକା ବର୍ମାଙ୍କ ମୋହୀନଆଟ୍ଟନ ନୃତ୍ୟ ପରିବେଷଣ ହେବ।
ଚତୁର୍ଥ ସଂଧ୍ୟା- ନୃତ୍ୟଶିଳ୍ପୀ ଲୀଲା ସାମସନଙ୍କ ଭାରତନାଟ୍ୟମ ସହିତ ଶେଷ କାର୍ଯ୍ୟକ୍ରମରେ ରହିଛି ଗୁରୁ ପିତାମ୍ବର ବିଶ୍ବାଳଙ୍କ ଓଡିଶୀ ନୃତ୍ୟ ।
ପଞ୍ଚମ ସଂଧ୍ୟା- ଶେଷ ସଂଧ୍ୟାରେ ଗୁରୁ କେଳୁ ଚରଣ ମହାପାତ୍ର ଓଡିଶୀ ଗବେଷଣା କେନ୍ଦ୍ରର ନୃତ୍ୟଶିଳ୍ପୀଙ୍କ ଓଡିଶୀ ସହିତ ଜୟକିଶୋର ମୁଶଳକାନ୍ତିଙ୍କ କୁଚୁପୁଡି ନୃତ୍ୟ ପରିବେଷଣ ହେବ।
ମୁଖ୍ୟତଃ ଭାରତୀୟ ଶାସ୍ତ୍ରୀୟ ନୃତ୍ୟକୁ ଏହି ମଞ୍ଚରେ ପ୍ରଧାନ୍ୟ ଦିଆଯାଇଥାଏ। ଏହି ଭାରତୀୟ ନୃତ୍ୟର ପ୍ରସାର କରାଇବା ସହିତ ପର୍ଯ୍ୟଟକଙ୍କୁ ଆକୃଷ୍ଟ କରିବା ଏହାର ମୁଖ୍ୟ ଉଦ୍ଦେଶ୍ୟ। ସେଥିପାଇଁ ପର୍ଯ୍ୟଟନ ବିଭାଗ ତରଫରୁ ପ୍ରତିବର୍ଷ ଏହି ଉତ୍ସବର ଆୟୋଜନ କରାଯାଇ ଆସୁଛି।
