କନ୍ଦର୍ପ ବେହେରା
ରେଢାଖୋଲ: ଯାହାର ବାପା, ମାଆ ନାହିଁ ତ କେହି ନାହିଁ। ବାପା, ମାଆ ସବୁବେଳେ ଚାହିଁ ଥାନ୍ତି ପୁଅ ଝିଅର ମଙ୍ଗଳ କାମନା। ହେଲେ ବାପା, ମାଆ ଆରପାରିକି ଚାଲି ଗଲା ପରେ ଅନାଥ ପୁଅ ଝିଅ ଦୁର୍ଦ୍ଦିନରେ ଦିନ କାଟନ୍ତି। ଏପରିକି ହୋଟେଲରେ କାମ କରି ନିଜର ଜୀବିକା ନିର୍ବାହ କରନ୍ତି।
ଏମିତି ଜଣେ ଅନାଥ ଝିଅକୁ ବାହାଘର କରି ଉଦାହରଣ ପାଲଟିଛନ୍ତି ନାକଟିଦେଉଳ ବ୍ଲକ୍ ର ଗୋଧିଢିପ ଗ୍ରାମବାସୀ। ଝିଅ ବାହାଘରରେ ଯାହା ଆବଶ୍ୟକ ଗ୍ରାମ ବାସୀ ମିଳିମିଶି ନିଜେ ବ୍ୟକ୍ତିଗତ ଭାବରେ ଉପହାର ଦେଇ ବାହାଘର କରି ଶାଶୂଘରକୁ ପଠାଇଛନ୍ତି ଝିଅଟିକୁ। ଯାହାକି ଏବେ ବେଶ୍ ଚର୍ଚ୍ଚିତ ହୋଇଛନ୍ତି ଯୁବକ ସଂଘର କର୍ମକର୍ତା ତଥା ଗ୍ରାମବାସୀ। ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକ୍ ସରାପାଲି ପଂଚାୟତ ଗୋଧିଢିପ ଗ୍ରାମର ଅନାଥ ଝିଅ ଝୁନୁ ସାହୁ (୨୨)। ବାପା ୩ ବର୍ଷ ଆଗରୁ ମୃତ୍ୟୁବରଣ କରିଥିବା ବେଳେ ବଂଚିତ ମାଆ ମଞୁଲତା ସାହୁ ମାନସିକ ଅବସ୍ଥା ଠିକ୍ ରହୁ ନ ଥିବାରୁ ଝିଅଟି ଘୋର ଅସୁବିଧାରେ କାଳତିପାତ କରୁଥିଲା।
ଏପରିକି ନାକଟିଦେଉଳରେ ଏକ ହୋଟେଲ ରେ କାମ କରୁଥିଲା। ଗୋଧିଢିପ୍ ଠାରେ ଥିବା ମହାଲକ୍ଷ୍ମୀ ଯୁବକ ସଂଘର କର୍ମକର୍ତ୍ତା ତଥା ଗ୍ରାମବାସୀ ଝିଅକୁ ବାହାଘର କରାଇବାର ବନ୍ଦୋବସ୍ତ କରିଥିଲେ ବୌଦ୍ଧ ଜିଲ୍ଲା ଚମ୍ପାମାଳ ଗ୍ରାମର ଅଜୁ ସାହୁଙ୍କ ସହ। ଆଜି ଗୋଧିଢିପ ଗ୍ରାମବାସୀ ବୌଦ୍ଧ ନିକଟସ୍ଥ ଏକ ମନ୍ଦିରରେ ଝିଅର ବାହାଘର ହିନ୍ଦୁ ଧର୍ମ ରୀତିନିତି ହିସାବରେ କରାଇଛନ୍ତି। ଝିଅଟିର କାକା ପୁରନ୍ଦର ସାହୁ କନ୍ୟାଦାନ କରିବା ସହ କନ୍ୟା ତଥା ବର କୁ ନେଇ ବର ଘରେ ସମର୍ପି ଥିଲେ।
ଗୋଧିଢିପ ଗ୍ରାମରେ ଥିବା ମହାଲକ୍ଷ୍ମୀ ଯୁବକ ସଂଘର ସ୍ୱେଚ୍ଛାସେବୀ ତଥା ଗ୍ରାମବାସୀ ମିଳିତ ସହଯୋଗରେ ଝିଅ ବାହାଘରରେ ଯାହା ଆବଶ୍ୟକ ଜିନିଷ ଉପହାର ସ୍ୱରୁପ ପ୍ରଧାନ କରି ଏକ ଉଦାହରଣ ପାଲଟିଛନ୍ତିା। ପୁର୍ବରୁ ଅନାଥ ଝିଅର ବାପାଙ୍କର ମୃତ୍ୟୁ ସମୟରେ ମହାଲକ୍ଷ୍ମୀ ଯୁବ ସଂଘର କର୍ମକର୍ତା ସୁଧିକ୍ରିୟାକର୍ମ କରିଥିଲେ। ଯୁବକ ସଂଘର ହଳଧର ସାହୁ, ନୀଳାମ୍ବର ସାହୁ, ନାରାୟଣ ସାହୁ, ଶ୍ରୀପତି ସାହୁ, ସୁକାନ୍ତ ସାହୁ, ବାବୁଲି ପଣ୍ଡା, ଅରୁଣ ସାହୁ, କୁଲୁ ସାହୁ ପ୍ରମୁଖ ସହଯୋଗ କରିଥିଲେ।