ଆମ ଆଦମୀ ପାର୍ଟିର ମୁଖ୍ୟ ଏବଂ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରୀୱାଲଙ୍କ ବିରୁଦ୍ଧରେ ମତଦାତାଙ୍କୁ ଏଫଏମ ରେଡିଓରେ ବିଜ୍ଞାପନ ଜରିଆରେ ଭ୍ରମିତ ତଥା ନିଜ ଆଡକୁ ଆକର୍ଷିତ କରିବା ନେଇ ନିର୍ବାଚନ ଆୟୋଗଙ୍କ ନିକଟରେ ଅଭିଯୋଗ ହୋଇଛି। ଅରବିନ୍ଦ କେଜ୍ରିଓ୍ବାଲ ବିଜେପି ପାର୍ଟି ଅଧ୍ୟକ୍ଷ ଅମିତ ଶାହାଙ୍କ ବୟାନକୁ ମଧ୍ୟ ଭୁଲ ଶୈଳୀରେ ଉପସ୍ଥାପନ କରିବା ନେଇ ମଧ୍ୟ ଅଭିଯୋଗ ଆଣିଛି ବିଜେପି। ଦିଲ୍ଲୀ ବିଜେପି ମୁଖପାତ୍ର ପ୍ରବୀଣ ଶଙ୍କର କପୁର ନିର୍ବାଚନ ଆୟୋଗଙ୍କ ନିକଟରେ ଏକ ଅଭିଯୋଗ ପତ୍ର ପଠାଇଛନ୍ତି। ଏଥିରେ ଆପ ଏଫଏମ ରେଡିଓରେ ବିଜ୍ଞାପନ ଦେଇଥିବା ଅଭିଯୋଗ ହୋଇଛି। ଅଭିଯୋଗରେ ପ୍ରବୀଣ କହିଛନ୍ତି, ରେଡିଓ ବିଜ୍ଞାପନରେ ଦିଲ୍ଲୀ ମୁଖ୍ୟମନ୍ତ୍ରୀ ଲୋକଙ୍କୁ କହିଛନ୍ତି, କେନ୍ଦ୍ର ସରକାର ଦିଲ୍ଲୀର ଲୋକଙ୍କ ଠାରୁ ହଜାର କୋଟି ଟଙ୍କା ରାଜସ୍ୱ ସଂଗ୍ରହ କରି କେବଳ ୩୨୫ କୋଟି ଟଙ୍କା ଦିଲ୍ଲୀକୁ ଦେଇଛନ୍ତି। ସେ ନିର୍ବାଚନ ଆୟୋଗଙ୍କୁ ଆପର ବିଜ୍ଞାପନ ବିଷୟ-ବସ୍ତୁର ସମୀକ୍ଷା କରିବାକୁ ଅନୁରୋଧ କରିଛନ୍ତି।
bjp goes to ec against kejriwal