ଅର୍ଜୁନ୍ କପୁର୍ ଅଭିନୀତ ଫିଲ୍ମ ଇଣ୍ଡିଆସ ମୋଷ୍ଟ ଓ୍ବାଣ୍ଟେଡ୍ର ଟ୍ରେଲର ରିଲିଜ୍ ହୋଇଛି । ଅର୍ଜୁନ୍ କପୁର୍ ଟ୍ବିଟ୍ଟର ଜରିଆରେ ଫିଲ୍ମର ଟ୍ରେଲରଟିକୁ ସେୟାର କରିଥିଲେ । ଫିଲ୍ମଟିରେ ଅର୍ଜୁନ ଜଣେ ଗୁଇନ୍ଦା ଅଧିକାରୀ ଭାବରେ କାର୍ଯ୍ୟ କରୁଛନ୍ତି ଯିଏକି ଅନ୍ୟ ୪ ସହଯୋଗୀଙ୍କ ସହ ମିଶି ଜଣେ ଆତଙ୍କବାଦୀକୁ ଧରିବାକୁ ନେପାଳ ଯାଉଛି । ଟିଜର୍ ରିଲିଜ୍ ପରେ ସମସ୍ତେ ଅର୍ଜୁନଙ୍କ ଅଭିନୟକୁ ପ୍ରଶଂସା କରିଥିବା ବେଳେ ଟ୍ରେଲର ମଧ୍ୟ ଦର୍ଶକଙ୍କୁ ବାନ୍ଧି ରଖିବାରେ ସଫଳ ହୋଇଛି । ରିଲିଜ୍ ହେବାର ତିନି ଘଣ୍ଟା ମଧ୍ୟରେ ଟ୍ରେଲରଟିକୁ 12 ଲକ୍ଷ ଲୋକ ସାରିଲେଣି । ରାଜକୁମାର ଗୁପ୍ତାଙ୍କ ନିର୍ଦ୍ଦେଶିତ ଏହି ଫିଲ୍ମଟି ଆସନ୍ତା ମେ ୨୪ରେ ରିଲିଜ ହେବାକୁ ଯାଉଛି । ଫିଲ୍ମଟି କିଛି ସତ୍ୟ ଘଟଣାରୁ ପ୍ରେରିତ ବୋଲି ନିର୍ଦ୍ଦେଶକ ରାଜକୁମାର ଗୁପ୍ତା କହିଛନ୍ତି । ଅର୍ଜୁନଙ୍କ ବ୍ୟତିତ ରାଜେଶ ଶର୍ମା, ଶାନ୍ତିଲାଲ ମୁଖାର୍ଜୀ ଏବଂ ପ୍ରଶାନ୍ତ ମୁଖ୍ୟ ଭୂମିକାରେ ନଜର ଆସିବାକୁ ଯାଉଛନ୍ତି । ଅମିତ ତ୍ରିବେଦୀ ଫିଲ୍ମର ମ୍ୟୁଜିକ୍ ଦେଇଛନ୍ତି ।
