ସମୀକ୍ଷା ବ୍ୟୁରୋ
ଭାରତୀୟ କ୍ରିକେଟର ବିରାଟ କୋହଲି ଆଜି ନିଜର ମତାଧିକାର ସାବ୍ୟସ୍ତ କରିଛନ୍ତି। ବିରାଟ ତାଙ୍କର ଭାଇଙ୍କ ସହିତ ଗୁରୁଗାଁଓର ଏକ ବୁଥରେ ନିଜର ଭୋଟ ଦେଇଛନ୍ତି। ବିରାଟ ସକାଳୁ ସକାଳୁ ତାଙ୍କର ବଡ ଭାଇ ବିକାସ କୋହଲି ଭୋଟ ଦେବା ପାଇଁ ଧାଡିରେ ଛିଡା ହୋଇଥିଲେ। ସେତେବେଳେ ଭିଡ ନ ଥିବାରୁ ଦୁଇ ଭାଇ ଶିଘ୍ର ଭୋଟ ଦେଇ ଆସିଥିଲେ। ଭୋଟ ଦେବା ପରେ ବିରାଟ ବାହାରେ ଲୋକମାନେ ଭୋଟ ସାବ୍ୟସ୍ତ କରନ୍ତୁ ବୋଲି ଅନୁରୋଧ କରିଥିଲେ। ବାହାରେ ତାଙ୍କର ଫ୍ୟାନଙ୍କ ସହିତ ସେଲଫି ନେବା ସହିତ କେତେକଙ୍କୁ ଅଟୋଗ୍ରାଫ ମଧ୍ୟ ଦେଇଥିଲେ। ଆଜି ଷଷ୍ଠ ପର୍ଯ୍ୟାୟ ମତଦାନରେ 6ଟି ରାଜ୍ୟ ଏବଂ ଗୋଟିଏ କେନ୍ଦ୍ର ଶାସିତ ଅଞ୍ଚଳରେ ଭୋଟ ଗ୍ରହଣ ହେଉଛି। ଏଥିରେ ବିହାରର 8ଟି, ହରିୟାନାର 10 ଟି, ଝାଡଖଣ୍ଡର 4ଟି, ମଧ୍ୟପ୍ରଦେଶର 8ଟି, ଉତ୍ତର ପ୍ରଦେଶର 14ଟି, ପଶ୍ଚିମ ବଂଗର 8ଟି ଏବଂ ନୂଆଦିଲ୍ଲୀର 7ଟି ଆସନରେ ଭୋଟ ଗ୍ରହଣ ହେଉଛି।
Tags:
