ଭୁବନେଶ୍ବର: କିଛି ସମୟ ପୂର୍ବରୁ ନୂଆଦିଲ୍ଲୀ ବିମାନ ବନ୍ଦର ଛାଡିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ସେ ଭୁବନେଶ୍ବର ବିମାନ ବନ୍ଦରରେ ପହଁଚିବା ପରେ ସେଠାରେ ତାଙ୍କୁ ବିପୁଳ ସ୍ବାଗତ କରାଯିବ। ସେଥିପାଇଁ ବିଜେଡି ତରଫରୁ ବ୍ୟାପକ ବନ୍ଦୋବସ୍ତ କରାଯାଇଛି। ସେଠାରେ ବିଭିନ୍ନ ଲୋକନୃତ୍ୟ ସହିତ ହଜାର ହଜାର କର୍ମି ଅପେକ୍ଷା କରି ରହିଛନ୍ତି।
ଆଜି ସକାଳୁ ଭୁବନେଶ୍ବରକୁ ବିଭିନ୍ନ ନିର୍ବାଚନ ମଣ୍ଡଳୀରୁ ହଜାର ହଜାର କର୍ମି ଆସି ପହଞ୍ଚିବାରେ ଲାଗିଛନ୍ତି। ଭୁବନେଶ୍ବର ବିମାନ ବନ୍ଦର ବାହାରେ ଥିବା ବିଜୁ ପଟ୍ଟନାୟକ ପ୍ରତିମୂର୍ତ୍ତି ନିକଟରେ ଏକ ମଞ୍ଚ କରାଯାଇଛି। ସେଠାରେ ତାଙ୍କୁ ସ୍ବାଗତ ସମ୍ବଦ୍ଧନା ପ୍ରଦାନ କରାଯିବ। ଏହାପରେ ତାଙ୍କୁ ଏକ ଶୋଭାଯାତ୍ରାରେ ନବୀନ ନିବାସକୁ ନିଆଯିବ।
Tags: ଜୀବନବ୍ୟାପି ପୁରସ୍କାର, ନବୀନ ପଟ୍ଟନାୟକ
