ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)ର ନିର୍ବାଚନ ଆସନ୍ତା ଅକ୍ଟୋବର ୨୨ ତାରିଖରେ ଅନୁଷ୍ଠିତ ହେବ । ଜାନୁୟାରୀରେ ସୁପ୍ରିମ୍କୋର୍ଟଙ୍କ ଦ୍ବାରା ନିଯୁକ୍ତ ହୋଇଥିବା ସିଓଏ ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ଲୋଧା କମିଟି ପକ୍ଷରୁ ପ୍ରସ୍ତାବିତ ସଂଶୋଧନ ପ୍ରସ୍ତାବ ଲାଗୁ କରାଯିବା ପରେ କୋର୍ଟଙ୍କ ପକ୍ଷରୁ ନିଯୁକ୍ତ ଆମିକସ୍ କ୍ୟୁରେ ପି ନରସିହ୍ମାଙ୍କ ସହିତ ଆଲୋଚନା କରାଯାଇଥିଲା । ସିଓଏ ଏବଂ ପି ନରସିହ୍ମାଙ୍କ ସହ ଆଲୋଚନା ପରେ ନିର୍ବାଚନ ତାରିଖ ସ୍ଥିର ହୋଇଥିଲା । ୩୦ଟି ରାଜ୍ୟ କ୍ରିକେଟ ସଂଘ ନିର୍ବାଚନ ପ୍ରକିୟାକୁ ବିରୋଧ କରିଥିଲେ ମଧ୍ୟ ଦୁଇ ବର୍ଷ ପରେ ସମସ୍ତ ସଂଘ ନିର୍ବାଚନ ପାଇଁ ରାଜି ହୋଇଛନ୍ତି । ସୁପ୍ରିମ୍କୋର୍ଟ ଜାନୁୟାରୀ ୧୭ରେ ବିସିସିଆଇ ମୁଖ୍ୟ ଅନୁରାଗ ଠାକୁରଙ୍କୁ ବହିଷ୍କାର କରିବା ପରଠାରୁ ଏହି ପଦ ଖାଲି ପଡିଛି । ବର୍ତ୍ତମାନ ବୋର୍ଡର ସମସ୍ତ ପରିଚାଳନାଗତ ନିଷ୍ପତ୍ତି ସିଓଏ ନେଉଛି । ଡାଏନା ଏଡୁଜୀ ଏବଂ ବିନୋଦ ରାୟ ସିଓଏର ସଦସ୍ୟ ରହିଛନ୍ତି ।
