ସପ୍ତଦଶ ଲୋକସଭାର ଭୋଟ୍ ଗଣତି ପ୍ରକ୍ରିୟା ଆରମ୍ଭ ହୋଇଯାଇଛି । ଇଭିଏମ୍ରେ ସିଲ୍ ହୋଇଥିବା ନେତାଙ୍କ ଭାଗ୍ୟର ଫଳାଫଳ ଆଜି ଜଣାପଡ଼ିବ । ପାଖାପାଖି ୪୦ ଦିନ ଧରି ଚାଲିରହିଥିବା ସାତ ପର୍ଯ୍ୟାୟ ବିଶିଷ୍ଟ ନିର୍ବାଚନରେ ଫଳାଫଳ ଆସିବା ପରେ ସରକାର ଗଠନ ନେଇ ଚିତ୍ର ସ୍ପଷ୍ଟ ହେବ । ପୁନର୍ବାର ମୋଦି ସରକାର ନା ଭୋଟରମାନେ ତାଙ୍କର ମତ ପରିବର୍ତ୍ତନ କରିଛନ୍ତି, ଏସବୁର ଉତ୍ତର ଆଉ କିଛି ସମୟ ମଧ୍ୟରେ ମିଳିଯିବ । ମଧ୍ୟପ୍ରଦେଶର ଭୋପାଳ ଲୋକସଭା ଆସନରୁ ଚଳିତ ଥର କଂଗ୍ରେସ ତରଫରୁ ଦିଗ୍ବିଜୟ ସିଂହ ଓ ବିଜେପି ତରଫରୁ ସାଧ୍ବୀ ପ୍ରଜ୍ଞା ନିର୍ବାଚନ ରଣାଙ୍ଗନକୁ ଓହ୍ଲାଇଥିଲେ । ଏହି ଆସନରୁ ବିଜେପି ପ୍ରାର୍ଥୀ ସାଧ୍ବୀ ପ୍ରଜ୍ଞା ନିକଟତମ ପ୍ରତିଦ୍ବନ୍ଦ୍ବୀ ଦିଗବିଜୟୀ ସିଂଙ୍କଠାରୁ ଆଗୁଆ ରହିଛନ୍ତି ।
Tags:
