ସପ୍ତଦଶ ଲୋକସଭାର ଭୋଟ୍ ଗଣତି ପ୍ରକ୍ରିୟା ଆରମ୍ଭ ହୋଇଯାଇଛି । ଇଭିଏମ୍ରେ ସିଲ୍ ହୋଇଥିବା ନେତାଙ୍କ ଭାଗ୍ୟର ଫଳାଫଳ ଆଜି ଜଣାପଡ଼ିବ । ପାଖାପାଖି ୪୦ ଦିନ ଧରି ଚାଲିରହିଥିବା ସାତ ପର୍ଯ୍ୟାୟ ବିଶିଷ୍ଟ ନିର୍ବାଚନରେ ଫଳାଫଳ ଆସିବା ପରେ ସରକାର ଗଠନ ନେଇ ଚିତ୍ର ସ୍ପଷ୍ଟ ହେବ । ପୁନର୍ବାର ମୋଦି ସରକାର ନା ଭୋଟରମାନେ ତାଙ୍କର ମତ ପରିବର୍ତ୍ତନ କରିଛନ୍ତି, ଏସବୁର ଉତ୍ତର ଆଉ କିଛି ସମୟ ମଧ୍ୟରେ ମିଳିଯିବ । ପଞ୍ଜାବର ଗୁରୁଦାସପୁର ଆସନରୁ ବିଜେପି ପକ୍ଷରୁ ପ୍ରତିଦ୍ବନ୍ଦିତା କରୁଥିବା ବଲିଉଡ୍ ଅଭିନେତା ସନ୍ନି ଦେଓଲ ନିଜ ନିକଟତମ ପ୍ରତିଦ୍ବନ୍ଦୀ ସୁନୀଲ ଝାକରଙ୍କ ଠାରୁ ୨୦ ହଜାର ଭୋଟରେ ଆଗୁଆ ରହିଛନ୍ତି । ସନ୍ନି ୬୨୭୮୪ ଭୋଟ ହାସଲ କରିଥିବା ବେଳେ ଝାକର ୪୧୭୩୮ ଭୋଟ ପାଇଛନ୍ତି ।