ସପ୍ତଦଶ ଲୋକସଭାର ଭୋଟ୍ ଗଣତି ପ୍ରକ୍ରିୟା ଆରମ୍ଭ ହୋଇଯାଇଛି । ଇଭିଏମ୍ରେ ସିଲ୍ ହୋଇଥିବା ନେତାଙ୍କ ଭାଗ୍ୟର ଫଳାଫଳ ଆଜି ଜଣାପଡ଼ିବ । ପାଖାପାଖି ୪୦ ଦିନ ଧରି ଚାଲିରହିଥିବା ସାତ ପର୍ଯ୍ୟାୟ ବିଶିଷ୍ଟ ନିର୍ବାଚନରେ ଫଳାଫଳ ଆସିବା ପରେ ସରକାର ଗଠନ ନେଇ ଚିତ୍ର ସ୍ପଷ୍ଟ ହେବ । ପୁନର୍ବାର ମୋଦି ସରକାର ନା ଭୋଟରମାନେ ତାଙ୍କର ମତ ପରିବର୍ତ୍ତନ କରିଛନ୍ତି, ଏସବୁର ଉତ୍ତର ଆଉ କିଛି ସମୟ ମଧ୍ୟରେ ମିଳିଯିବ । ଦିନ ୧୧ ଟା ସୁଦ୍ଧା ନିର୍ବାଚନ ଆୟୋଗଙ୍କ ପକ୍ଷରୁ ମିଳିଥିବା ରିପୋର୍ଟ ଅନୁଯାୟୀ ଭାରତୀୟ ଜନତା ପାର୍ଟି ୨୯୪ଟି ଆସନରେ, ଭାରତୀୟ ଜାତୀୟ କଂଗ୍ରେସରେ ୫୧ ଆସନରେ, ତୃଣମୂଳ କଂଗ୍ରେସ ୨୫ ଆସନରେ, ଡିଏମ୍କେ ୨୨ ଆସନରେ, ଶିବସେନା ୧୯ ଆସନରେ ଏବଂ ଓ୍ବାଇଏସ୍ଆର କଂଗ୍ରେସ ୨୪ ଟି ଆସନରେ ଅଗ୍ରଣୀ ରହିଛନ୍ତି ।
Tags:
