ସପ୍ତଦଶ ଲୋକସଭାର ଭୋଟ୍ ଗଣତି ପ୍ରକ୍ରିୟା ଆରମ୍ଭ ହୋଇଯାଇଛି । ଇଭିଏମ୍ରେ ସିଲ୍ ହୋଇଥିବା ନେତାଙ୍କ ଭାଗ୍ୟର ଫଳାଫଳ ଆଜି ଜଣାପଡ଼ିବ । ପାଖାପାଖି ୪୦ ଦିନ ଧରି ଚାଲିରହିଥିବା ସାତ ପର୍ଯ୍ୟାୟ ବିଶିଷ୍ଟ ନିର୍ବାଚନରେ ଫଳାଫଳ ଆସିବା ପରେ ସରକାର ଗଠନ ନେଇ ଚିତ୍ର ସ୍ପଷ୍ଟ ହେବ । ତେବେ ଏପର୍ଯ୍ୟନ୍ତ ଆସିଥିବା ଫଳାଫଳକୁ ଦେଖିଲେ ମୋଦି ସରକାର ପୁନର୍ବାର ସଫଳତାର ସହ ଶାସନ କ୍ଷମତାକୁ ଆସିବାକୁ ଯାଉଛନ୍ତି। ଚଳିତଥର ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହାଙ୍କୁ ଗାନ୍ଧିନଗର ଆସନରୁ ମଇଦାନକୁ ଓହ୍ଲାଇଥିଲା । ଏହି ଆସନରୁ ଅମିତ୍ ଶାହା ୫,୫୪,୫୬୮ ଭୋଟ୍ରେ ବାଜିମାତ୍ କରିଛନ୍ତି । ଗାନ୍ଧିନଗର ଆସନରୁ ବିଜେପିର ବରିଷ୍ଠ ନେତା ଲାଲକୃଷ୍ଣ ଆଡଭାନୀଙ୍କ ବଦଳରେ ଅମିତ୍ ଶାହାଙ୍କୁ ପ୍ରାର୍ଥୀ କରିଥିଲା ।
