ସପ୍ତଦଶ ଲୋକସଭାର ନିର୍ବାଚନର ଗଣତି ପ୍ରକ୍ରିୟା ଚାଲୁ ରହିଛି। ସାତ ପର୍ଯ୍ୟାୟ ବିଶିଷ୍ଟ ନିର୍ବାଚନର ଫଳାଫଳ ଆସିବା ପରେ ଔପଚାରିକ ଭାବେ ସରକାର ଗଠନ ନେଇ ଘୋଷଣା କରାଯିବ। ତେବେ ଏ ପର୍ଯ୍ୟନ୍ତ ଫଳାଫଳକୁ ଦେଖିଲେ ମୋଦି ସରକାର ବହୁମତରେ ପୁନର୍ବାର ସରକାର ଗଠନ କରିବାକୁ ଯାଉଛନ୍ତି। ତେବେ କଂଗ୍ରେସ ତରଫରୁ ଆୟୋଜିତ ଏକ ପ୍ରେସ୍ମିଟ୍ରେ ରାହୁଲ୍ ଗାନ୍ଧି କହିଛନ୍ତି ଯେ, ସେ ନିର୍ବାଚନ ରାଲିରେ ଜନତାଙ୍କ ନିଷ୍ପତ୍ତିକୁ ସମ୍ମାନ ଦେବେ। ଜନତା ତା’ଙ୍କର ନିଷ୍ପତ୍ତି ନେଇ ସାରିଛନ୍ତି, ଯାହାକୁ ସେ ସାଦରେ ଗ୍ରହଣ ମଧ୍ୟ କରୁଛନ୍ତି। ଏହି ଅବସରରେ ମୋଦି ତଥା ବିଜେପିକୁ ଶୁଭେଚ୍ଛା ବାର୍ତ୍ତା ପ୍ରଦାନ କରିଛନ୍ତି ରାହୁଲ୍ ଗାନ୍ଧି। ପାରମ୍ପରିକ ଆସନ ଆମେଠିରେ ତାଙ୍କ ନିକଟତମ ପ୍ରତିଦ୍ବନ୍ଦ୍ବୀ ତଥା ବିଜେପି ପ୍ରାର୍ଥୀ ସ୍ମୃତି ଇରାନୀଙ୍କୁ ଫଳାଫଳ ଆସିବା ପୂର୍ବରୁ ବିଜୟର ଶୁଭେଚ୍ଛା ବାର୍ତ୍ତା ଦେଇଛନ୍ତି ରାହୁଲ୍। ଏହି ଆସନରେ ସ୍ମୃତି ୩୦,୦୦୦ରୁ ଅଧିକ ଭୋଟ୍ରେ ରାହୁଲ୍ଙ୍କୁଠୁ ଆଗୁଆ ରହିଛନ୍ତି।
Tags:
