ବ୍ରହ୍ମଗିରିରୁ ଦୁଇଥର ବିଧାୟକ ରହିଥିବା ସଞ୍ଜୟ ଦାଶ ବର୍ମା ଶେଷରେ ପରାଜିତ ହୋଇଛନ୍ତି । ତାଙ୍କର ନିକଟତମ ବିଜେପି ପ୍ରତିଦ୍ବନ୍ଦୀ ଲଳିତେନ୍ଦୁ ବିଦ୍ୟାଧର ମହାପାତ୍ରଙ୍କ ନିକଟରୁ ମାତ୍ର ୨୬୩୩ ଭୋଟରେ ପରାଜିତ ହୋଇଛନ୍ତି । ଦାଶବର୍ମା ୮୫୩୬୦ ଭୋଟ ହାସଲ କରିଥିବା ବେଳେ ଲଳିତେନ୍ଦୁ ୮୭୯୯୩ ଭୋଟ ମିଳିଛି। ପୂର୍ବରୁ ଅନୁମାନ କରାଯାଉଥିଲା ଯେ, ସଂଜୟ ଦାସବର୍ମାଙ୍କ ପରିସ୍ଥିତି ସେଠାରେ ଭଲ ନାହିଁ। ମୁଖ୍ୟତଃ ଜନସଂପର୍କ ରଖିବାରେ ସଂଜୟ ବିଫଲ ହୋଇଛନ୍ତି ବୋଲି କୁହାଯାଉଥିଲା। ଏପରିକି ଯେଉଁ ଏକଗଜିଟ ପୋଲ ଆସିଥିଲା ସେଥିରେ ମଧ୍ୟ ସଂଜୟ ହାରିବେ ବୋଲି ଜଣାପଡିଥିଲା। ସେଠାରେ ବର୍ତ୍ତମାନ ବିଜେପି ଖାତା ଖୋଲିବାର ସକ୍ଷମ ହୋଇଛି। ପୁରୀ ଜିଲ୍ଲାରେ ବ୍ରହ୍ମଗିରି ଏବଂ ପୁରୀରେ ବିଜେପି ଦୁଇଟି ବିଧାନସଭା ଆସନ ହାସଲ କରିପାରିଛି।
Tags:
