କାନ୍ସ ଫିଲ୍ମ ଫେଷ୍ଟିଭାଲ୍ରେ ଦକ୍ଷିଣ କୋରିଆ ଫିଲ୍ମ ପାରାସାଇଟ୍କୁ ପାମ୍ ଡି ଓର୍ ପୁରସ୍କାର ମିଳିଛି। ଦକ୍ଷିଣ କୋରିଆର ନିର୍ଦ୍ଦେଶକ ବୋଙ୍ଗ ଜୁନ୍ ହୋଙ୍କ ସାମାଜିକ ଡ୍ରାମା ଫିଲ୍ମ ପାରାସାଇଟ୍କୁ ୭୨ ତମ କାନ୍ସ ଫିଲ୍ମ ଫେଷ୍ଟିଭାଲ୍ରେ ଶ୍ରେଷ୍ଠ ଫିଲ୍ମର ମାନ୍ୟତା ମିଳିଛି। ଧନୀ ଏବଂ ଗରିବଙ୍କ ମଧ୍ୟରେ ରହିଥିବା ସାମାଜିକ ତାରତମ୍ୟ ଉପରେ ଫିଲ୍ମର କାହାଣୀ ପର୍ଯ୍ୟବେସିତ। ଗୋଟିଏ ପରିବାରର ଚାରିଜଣ କିପରି ନିଜ ଘରର ବେସମେଣ୍ଟରେ ରହିବାକୁ ସଂଘର୍ଷ କରୁଛନ୍ତି ତାହା ଫିଲ୍ମରେ ଦେଖିବାକୁ ମିଳିଛି। ଦୁଇ ବର୍ଷ ମଧ୍ୟରେ ଦ୍ବିତୀୟ ଏସିୟ ଫିଲ୍ମ ଭାବରେ ଏହି ସଫଳତା ହାସଲ କରିଛି ପାରାସାଇଟ୍। ପୂର୍ବରୁ ୨୦୧୭ ରେ ହିରୋକାଜୁ କୋର ଏଡାଙ୍କ ନିର୍ଦ୍ଦେଶିତ ଜାପାନିଜ୍ ଫିଲ୍ମ ସପ୍ଲିଫ୍ଟର ଗତବର୍ଷର ଶ୍ରେଷ୍ଠ ଫିଲ୍ମର ମାନ୍ୟତା ହାସଲ କରିଥିଲା। ଓସ୍କାର ବିଜେତା ଫିଲ୍ମ ନିର୍ମାତା ଆଲେଜାଣ୍ଡ୍ରୋ ଇନାରିଟ୍ଟୁ ଜୁରୀର ସଭାପତି ରହିଥିଲେ।
Tags:
