ହାଓ୍ବାଡାରୁ ମୁମ୍ବାଇ ଅଭିମୁଖେ ଯାଉଥିବା ହାଓ୍ବାଡା ମୁମ୍ବାଇ ଏଲ୍ଟିଟିଇର ଗୋଟିଏ ବଗିରେ ଅଗ୍ନିକାଣ୍ଡ ଘଟିଛି। ଝାଡ଼ଖଣ୍ଡର ଲୋଟାପାହାଡ଼-ଚକ୍ରଧରପୁର ଷ୍ଟେସନ ମଝିରେ ଏହି ଅଗ୍ନିକାଣ୍ଡ ଘଟିଥିଲା। ଯାତ୍ରୀମାନେ ନିଜ ଜୀବନ ବଞ୍ଚାଇବାକୁ ଟ୍ରେନ୍ରୁ ଡେଇଁପଡ଼ିଥିବାବେଳେ ସମସ୍ତେ ସୁରକ୍ଷିତ ଅଛନ୍ତି। ଅଗ୍ନିଶମ ଅଧିକାରୀଙ୍କ ଦ୍ବାରା ନିଆଁ ଆୟତ୍ତ କରାଯାଇଛି। ଏଥିରେ କେହି ଯାତ୍ରୀ ମୃତାହତ ହୋଇନଥିବାର ସୂଚନା ରହିଛି। ଯାନ୍ତ୍ରିକ ତ୍ରୁଟି କାରଣରୁ ଏପରି ଅଗ୍ନିକାଣ୍ଡ ହୋଇଛି ବୋଲି ପ୍ରାଥମିକ ସୂଚନାରୁ ଜଣାପଡିଛି। ପ୍ରାୟ ଘଣ୍ଟାଏ ପରେ ସ୍ଥିତି ସ୍ବାଭାବିକ ହୋଇଥିବାବେଳେ ଗନ୍ତବ୍ୟ ମାର୍ଗରେ ଟ୍ରେନ୍ଟି ଚାଲିଛି।
Tags:
