ସୀତାରାମ ଅଗ୍ରୱାଲ
ବାଣପୁର: ସ୍ବାସ୍ଥ୍ୟ ବିଭାଗ ଫୋକସରେ ରହିଛି ‘ଆମ ହସ୍ପିଟାଲ’ ଯୋଜନା। ଏହି ଯୋଜନା ଅଧୀନରେ ରାଜ୍ୟର ୧୪୭ଟି ହସ୍ପିଟାଲର ରୂପାନ୍ତରୀକରଣ କାର୍ଯ୍ୟ କରାଯିବ। ଏଥିପାଇଁ ରାଜ୍ୟ ସରକାର ୭୫୦ କୋଟି ଟଙ୍କାର ବ୍ୟୟ ଅଟକଳ କରିଛନ୍ତି। ଏଥି ସହିତ ଅଭାବ ଡାକ୍ତର ପଦବୀ ପୂରଣ ଲାଗି ପ୍ରକ୍ରିୟା ଜାରି ରହିଛି।
ଏହି ପରିପ୍ରେକ୍ଷୀରେ ରାଜ୍ୟର ୧୪୭ ଗୋଟି ନିର୍ବାଚନମଣ୍ଡଳୀର ଗୋଟିଏ ଲେଖାଏଁ ମେଡିକାଲକୁ ଆମ ହସ୍ପିଟାଲ ଯୋଜନାରେ ରୁପାନ୍ତରିକରଣ କରାଯିବ। ଆଜି ସରକାରଙ୍କ ପକ୍ଷରୁ ୧୪୭ ଗୋଟି ହସ୍ପିଟାଲ ସୂଚୀ ପ୍ରକାଶ ପାଇଥବା ବେଳେ ଚିଲିକା ନିର୍ବାଚନମଣ୍ଡଳୀର ବାଣପୁର ମେଡିକାଲ ‘ଆମ ହସ୍ପିଟାଲ ଯୋଜନା’ ରେ ସାମିଲ ହୋଇଛି।
ତେବେ ବାଣପୁର ବ୍ରିଟିଶ ଅମଳର ହସ୍ପିଟାଲ ହୋଇଥିବାବେଳେ ଏହା ଏକାଧିକ ସମସ୍ୟା ଦେଇ ଗତି କରୁଛି। ‘ଆମ ହସ୍ପିଟାଲ’ ଯୋଜନାରେ ସାମିଲ ହେବା ପରେ ଏହାର ରୂପରେଖ ବଦଳିବା ସହ ଏଠାରେ ସମସ୍ତ ଅତ୍ୟାଧୁନିକ ସୁବିଧା ଉପଲବ୍ଧ ହେବ ବୋଲି ବାଣପୁରବାସୀ ଆଶା ରଖିଛନ୍ତି। ତେବେ ବାଣପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ‘ଆମ ହସ୍ପିଟାଲ ଯୋଜନା’ ରେ ରୁପାନ୍ତର ପାଇଁ ସ୍ଥାନ ପାଇଥିବାରୁ ଅଂଚଳବାସୀ ମୁଖ୍ୟମନ୍ତ୍ରୀ, ୫-ଟି ସଚିବ, ଖୋର୍ଦ୍ଧା ଜିଲ୍ଲାପାଳ ଏବଂ ସିଡ଼ିଏମଓ ଙ୍କୁ ଧନ୍ୟବାଦ ଜଣାଇଛନ୍ତି।
