କନ୍ଦର୍ପ ବେହେରା
ରେଢ଼ାଖୋଲ: ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକ୍ ଅନ୍ତର୍ଗତ ବଳମ ପଞ୍ଚାୟତ ଅନ୍ତର୍ଗତ ଧଳତଇଲା ଗ୍ରାମର ଅରକ୍ଷିତ ମହାକୁଡ (୩୫) ଙ୍କୁ ଶୁକ୍ରବାର ଦିନ ସେହି ଗ୍ରାମର ବୀରେନ୍ ପ୍ରଧାନ ନାମକ ଯୁବକ ହତ୍ୟା କରି ଫେରାର୍ ହୋଇଯାଇଥିବା ବେଳେ କିସିଣ୍ଡା ପୋଲିସ୍ ରେଢ଼ାଖୋଲ ଥାନା କଦଳୀଗଡରୁ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି।
ସୂଚନା ଯୋଗ୍ୟ ଯେ, ଅରକ୍ଷିତ ମହାକୁଡ ଗ୍ରାମର ଵୀରେନ୍ ପ୍ରଧାନ (୪୦) ଙ୍କ ସହ ସାମାନ୍ୟ କଳହରୁ ପରବର୍ତ୍ତୀ ସମୟରେ ଵୀରେନ ପ୍ରଧାନ୍ ଅରକ୍ଷିତ ମହାକୁଡଙ୍କ ଘରକୁ ଆସି ମାଡ ମାରିବା ସହ ଧକ୍କା ଦେଵା ଫଳରେ ଅରକ୍ଷିତ ତଳେ ପଡିଯାଇଥିଲେ। ଆହତ ଅବସ୍ଥାରେ ତାଙ୍କୁ ନାକଟିଦେଉଳ ଡାକ୍ତରଖାନାରେ ଚିକିତ୍ସା କରା ଯାଇ ଥିଲା ମାତ୍ର ସୁସ୍ଥ ନହେଵାରୁ ତାଙ୍କୁ ଭିମସାର ବୁର୍ଲାକୁ ସ୍ଥାନାନ୍ତରିତ କରା ଯାଇଥିଲା। ମାତ୍ର ଡାକ୍ତର ସେଠାରେ ତାଙ୍କୁ ମୃତ ଵୋଲି ଘୋଷଣା କରିଥିଲେ। ଶଵ ବ୍ୟବଚ୍ଛେଦ କରାଯାଇଥିଲା ଓ ସମ୍ବଲପୁରର ସାଇନଟିଫିକ ଟିମ୍ ଆସି ମୃତ୍ୟୁ ହୋଇଥିବା ସ୍ଥାନ ପରିଦର୍ଶନ କରିଥିଲେ।
ଅଭିଯୁକ୍ତ ବୀରେନ୍ ପ୍ରଧାନ ଘଟଣା ଦିନ ଠାରୁ ଫେରାର ଥିଲା। ହେଲେ ପୋଲିସ ତଦନ୍ତ କରି ରେଢାଖୋଲ ଥାନା ଅନ୍ତର୍ଗତ କଦଳୀଗଡ଼ ବସଷ୍ଟାଣ୍ଡ ନିକଟରୁ ମଙ୍ଗଳବାର ରାତିରେ ଗିରଫ କରି ଥିଲା। ଗିରଫ ଅଭିଯୁକ୍ତକୁ ଆଜି କୋର୍ଟ ଚାଲାଣ କରାଯାଇଛି ବୋଲି କିସିଣ୍ଡା ଥାନା ଅଧିକାରୀ ଲୋକନାଥ ସାହୁ ପ୍ରକାଶ କରିଅଛନ୍ତି।
