ସୁପ୍ରିମ୍କୋର୍ଟ କଂଗ୍ରେସ ସାଂସଦ କାର୍ତ୍ତି ଚିଦାମ୍ବରମ୍ଙ୍କ ବିଦେଶ ଗସ୍ତ ଆବେଦନ କରି ଡିପୋଜିଟ୍ କରିଥିବା ୧୦ କୋଟି ଟଙ୍କା ଫେରାଇବା ଆବେଦନକୁ ଅଗ୍ରାହ୍ୟ କରିଛନ୍ତି। ଆଇଏନ୍ଏକ୍ସ ମିଡିଆ ଏବଂ ଏୟାରସେଲ ମାକ୍ସିସ୍ ମାମଲାରେ ଅଭିଯୁକ୍ତ କାର୍ତ୍ତି କୋର୍ଟର ରେଜିଷ୍ଟ୍ରିରେ ଏହି ପରିମାଣର ଅର୍ଥ ରାଶି ଜମା କରିଥିଲେ। ପ୍ରଧାନବିଚାରପତି ଜଷ୍ଟିସ୍ ରଞ୍ଜନ ଗୋଗୋଇ ଏବଂ ଜଷ୍ଟିସ୍ ଅନିରୁଦ୍ଧ ବୋଷଙ୍କୁ ନେଇ ଗଠିତ ଖଣ୍ଡପୀଠ କାର୍ତ୍ତିଙ୍କ ଆବେଦନକୁ ଅଗ୍ରାହ୍ୟ କରିବା ସହ ନିର୍ବାଚନମଣ୍ଡଳୀ ପ୍ରତି ଧ୍ୟାନ ଦେବାକୁ କହିଛନ୍ତି। କାର୍ତ୍ତି ତାମିଲନାଡ଼ୁର ଶିବଗଙ୍ଗା ଆସନରୁ ୩ ଲକ୍ଷ ଭୋଟ୍ରେ ବିଜେପିର ଜାତୀୟ ସାଧାରଣ ସମ୍ପାଦକ ଏଚ୍ ରାଜାଙ୍କୁ ହରାଇଛନ୍ତି। ଆବେଦନରେ ସେ ଦର୍ଶାଇଥିଲେ ସେ ଏହି ଟଙ୍କା ଋଣ ଆକାରରେ ଆଣିଥିଲେ ଏବଂ ଏହି ଟଙ୍କା ବାବଦକୁ ସୁଧ ଗଣୁଛନ୍ତି। ଖଣ୍ଡପୀଠ ତାଙ୍କୁ ବିଦେଶ ଯିବାକୁ ଅନୁମତି ପାଇଁ ଅର୍ଥରାଶି ଜମା କରିବାକୁ ନିର୍ଦ୍ଦେଶ ଦେଇଥିଲେ।
Tags:
