ନୂଆଦିଲ୍ଲୀ: ‘ଅପରେସନ୍ କାବେରୀ’ ଅଧୀନରେ ସୁଦାନରେ ଫସି ରହିଥିବା ଭାରତୀୟମାନଙ୍କୁ ଭାରତ ସରକାର ଫେରାଇ ଆଣିଛନ୍ତି। ଏହି ସମୟରେ ଭାରତୀୟ ବାୟୁସେନାର ଆଉ ଏକ ବିମାନ ୨୩୧ ଜଣ ଭାରତୀୟଙ୍କୁ ନେଇ ନୂଆଦିଲ୍ଲୀରେ ପହଞ୍ଚିଛି। ଭାରତୀୟ ପରିବହନକାରୀ ଇଣ୍ଡିଗୋ ସୁଦାନରେ ଫସି ରହିଥିବା ଭାରତୀୟଙ୍କୁ ନେଇ ଜେଦ୍ଦାରୁ ଯାତ୍ରା କରିଥିଲା। ବୈଦେଶିକ ବ୍ୟାପାର ମନ୍ତ୍ରୀ ଭି ମୁରଲୀଧରନ୍ ଟ୍ୱିଟ୍ କରି ଏହି ସୂଚନା ଦେଇଛନ୍ତି। ୨୩୧ ଭାରତୀୟଙ୍କୁ ନେଇ ଯାଉଥିବା ବିମାନ ନୂଆଦିଲ୍ଲୀରେ ପହଞ୍ଚିଛି ବୋଲି ମୁରଲୀଧରନ ଟ୍ୱିଟ କରିଛନ୍ତି।
