ଅଭିନେତା ତଥା ହାସ୍ୟାଭିନେତା ଦିନାୟାର୍ କଣ୍ଟ୍ରାକ୍ଟରଙ୍କ ଆଜି ୭୯ ବର୍ଷ ବୟସରେ ମୃତ୍ୟୁ ହୋଇଯାଇଛି। ‘ବାଜିଗର୍’, ’ଖିଲାଡ଼ି’, ବାଦଶାହା, ’୩୬ ଚାଇନା ଟାଉନ୍’ ଆଦି ଫିଲ୍ମରେ କାମ କରିଥିବା ଅଭିନେତା ଦିନାୟାର ସକାଳ ସମୟରେ ପରଲୋକ ଗମନ କରିଛନ୍ତି। ବୃଦ୍ଧାବସ୍ଥା ସମ୍ବନ୍ଧିତ ରୋଗରେ ପୀଡ଼ିତ ଥିବା ଏହି ଅଭିନେତା ଜଣକ ମୁମ୍ବାଇର ବର୍ଲି ପ୍ରାର୍ଥନା ହଲ୍ରେ ଅପରାହ୍ନ ୩.୩୦ରେ ଅନ୍ତିମ ସଂସ୍କାର କରାଯିବ। ନିଜର ଉତ୍କର୍ଷ ଅଭିନୟ ପାଇଁ ୨୦୧୯ରେ ତାଙ୍କୁ ପଦ୍ମଶ୍ରୀ ପୁରସ୍କାରରେ ସମ୍ମାନିତ କରାଯାଇଥିଲା। ଥିଏଟର କଳାକାରରୁ ଅଭିନୟ ଆରମ୍ଭ କରିଥିବା ଏହି ଅଭିନେତାଜଣକ ଗୁଜୁରାଟୀ ଓ ହିନ୍ଦୀ ନାଟକରେ ମଧ୍ୟ ନିଜର ପ୍ରତିଭାର ନିଦର୍ଶନ ଦେଖାଇଛନ୍ତି। ସେହିପରି ଲୋକପ୍ରିୟ ଧାରାବାହିକ ‘ଖିଚିଡି’, ‘ତାରକ ମେହେଟ୍ଟା କା ଉଲୁଟା ଚଷମା’ ଆଦିରେ ମଧ୍ୟ ଏହି ଅଭିନେତାଙ୍କ ଅଭିନୟ ଦେଖିବାକୁ ମିଳିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦିନାୟାର୍ଙ୍କ ମୃତ୍ୟୁରେ ଗଭୀର ସମ୍ବେଦନା ଜଣାଇ ତାଙ୍କ ସହିତ ଏକ ଫଟୋକୁ ଟୁଇଟ୍ କରି ତାଙ୍କ ଅମର ଆତ୍ମାର ଶାନ୍ତି ପାଇଁ ପ୍ରାର୍ଥନା କରିଛନ୍ତି ସେହିପରି ମହିଳା ଏବଂ ଶିଶୁ ବିକାଶ ମନ୍ତ୍ରୀ ସ୍ମୃତି ଇରାନୀ ମଧ୍ୟ ଦିନାୟାର୍ଙ୍କ ମୃତ୍ୟୁର ଗଭୀର ଶୋକ ବ୍ୟକ୍ତ କରିଛନ୍ତି।
