ଭୁବନେଶ୍ବର: ରବିବାର ଦିନ ଭୁବନେଶ୍ବରର ଏକ ତାରକା ହୋଟେଲରେ ଆୟୋଜିତ ହୋଇଥିଲା ଏକ କାର୍ଯ୍ୟକ୍ରମ। ଏହାକୁ ଆୟୋଜନ କରିଥିଲେ ଦ ନ୍ୟୁ ଇଣ୍ଡିଆନ ଏକ୍ସପ୍ରେସ ଗ୍ରୁପ। ଅବସର ଥିଲା ସାହିତ୍ୟ କାର୍ଯ୍ୟକ୍ରମ “ଅ’ । ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୁଖ୍ୟ ଅତିଥୀ ଭାବେ ଯୋଗ ଦେଇଥିଲେ। ପାଖରେ ବସିଥିଲେ ଦ ନ୍ୟୁ ଇଣ୍ଡିଆନ ଏକ୍ସପ୍ରେସର ଏଡିଟର ଇନ ଚିଫ୍ ପ୍ରଭୃ ଚାୱଲା।
ତେବେ ଏହି ସଭାରେ ଏକ ଭିଡିଓ ପ୍ରଦର୍ଶିତ କରାଯାଇଥିଲା। ତାହାକୁ ଦେଖି ମଞ୍ଚ ଉପରେ ବସିଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କାନ୍ଦି ପକାଇଥିଲେ। ପକେଟରୁ ରୁମାଲ ବାହାର କରି ଲୁହ ପୋଛିଥିଲେ। ତେବେ ଭିଡିଓଟି ଥିଲା ତାଙ୍କ ବଡ ଭଉଣୀ ଗୀତା ମେହେଟାଙ୍କ ଉପରେ ଆଧାରିତ ଏକ ଡକ୍ୟୁ ଫିଲ୍ମ। ଏଥିରେ ଗୀତା କିପରି ବାଙ୍ଗାଲଦେଶ ଯୁଦ୍ଧ ବେଳେ ରିପୋର୍ଟିଂ କରୁଥିଲେ ତାହା ପ୍ରଦର୍ଶିତ କରାଯାଇଥିଲା। ତାହା ଦେଖି ନବୀନଙ୍କ ଆଖିରେ ଲୁହ ଆସିଯାଇଥିଲା।
