ରେଢାଖୋଲ (କନ୍ଦର୍ପ ବେହେରା): ନାକଟିଦେଉଳ ଥାନା ସରାପାଲି ଗ୍ରାମରୁ ଏକ ନବଯାତ ଶିଶୁ କନ୍ୟାକୁ ମୃତ ଅବସ୍ଥାରେ ଉଦ୍ଧାର କରା ଯାଇଛି।
ସରାପାଲି ରଥ ସାହି ବିନୋଦ ବିଶ୍ୱାଳଙ୍କ ଘର ପଛପଟ ଧାନ କ୍ଷେତ ନିକଟରେ କେହି ଶିଶୁ କନ୍ୟାଟିକୁ ଜନ୍ମ କରି ମୃତ ହେଉ ବା ଜୀବିତ ହେଉ ଫୋପାଡି ଦେଇଥିବା ଅନୁମାନ କରାଯାଉଛି। ମୃତ ଶିଶୁ କନ୍ୟାଟିକୁ କିଏ କଣ ପାଇଁ ଫୋପାଡି ଦେଇଛି, ତାହାର କାରଣ ଜଣା ପଡି ନାହିଁ।
ତେବେ ଏସମ୍ପର୍କରେ ଖବର ପାଇ ନାକଟିଦେଉଳ ସ୍ୱାସ୍ଥ୍ୟକେନ୍ଦ୍ର କର୍ମଚାରୀମାନେ ମୃତ ଶିଶୁକୁ ନେଇଆସି ଥାନାକୁ ଖବର ଦେଇଥିଲେ। ନାକଟିଦେଉଳ ପୋଲିସ ଡାକ୍ତରଖାନା ପହଞ୍ଚି ତଦନ୍ତ କରିଥିବା ବେଳେ ମୃତ ଶିଶୁଟିର କେହି ଦାବିଦାର ନଥିବାରୁ ବିଭାଗ ପକ୍ଷରୁ ଶବ ବ୍ୟବଚ୍ଛେଦ ପାଇଁ ରେଢ଼ାଖୋଲ ପଠାଯାଇଥିବା ଜଣା ପଡିଛି। କେହି କେହି ଏହାକୁ କୁଆଁରୀ ମାତୃତ୍ଵ ହେଇଥିବା ଚର୍ଚ୍ଚା ହେଉଛି।
