ନାଇଜେରିଆରେ ଏକ ସଡକ ଦୁର୍ଘଟଣାରେ ଅନ୍ୟୁନ ୧୮ ଜଣଙ୍କର ମୃତ୍ୟୁ ଘଟିଛି । ଏକ ଯାତ୍ରୀବାହୀ ବସ୍ ଏବଂ ଟ୍ରକ ମଧ୍ୟରେ ଏହି ଦୁର୍ଘଟଣା ଘଟିଛି । ନାଇଜେରିଆର ଓଣ୍ଡୋରେ ରହିଥିବା ଆକୁରେ-ଓୟୋ ଏକ୍ସପ୍ରେସ୍ ଓ୍ବେ ରାସ୍ତାରେ ଏହି ଦୁର୍ଘଟଣା ଘଟିଥିଲା । ଶନିବାର ସନ୍ଧ୍ୟା ସମୟରେ ଏହି ଦୁର୍ଘଟଣା ଘଟିଥିଲା । ପୋଲିସ୍ ମୁଖପାତ୍ର ଫେମି ଯୋଶେଫ୍ ଘଟଣାସ୍ଥଳରେ ମୃ୍ତ ବ୍ୟକ୍ତିଙ୍କ ସମ୍ପର୍କରେ ସୂଚନା ଦେଇଛନ୍ତି । ରାସ୍ତାରେ ଏକ ଖାଲ ଥିବା ବେଳେ ଏଥିରୁ ବଞ୍ଚିବା ପାଇଁ ଟ୍ରକ୍ ଡ୍ରାଇଭର ବସ୍ ଆଡକୁ ମାଡି ଯାଇ ଏହି ଦୁର୍ଘଟଣା ଘଟିଥିଲା । ଦୁର୍ଘଟଣା ପରେ ଉଭୟ ଗାଡିର ଡ୍ରାଇଭର ଘଟଣାସ୍ଥଳରୁ ଫେରାର ହୋଇ ଯାଇଥିଲେ । ଆହତ ମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି ।
Tags:
