୧୯୮୫ ମସିହା ଜୁନ୍ ୯ ତାରିଖରେ ଜନ୍ମ ହୋଇଥିଲେ ଅଭିନେତ୍ରୀ ସୋନମ୍ କପୁର୍। ବଲିଉଡ୍ର ଜଣେ ଆଗଧାଡ଼ିର ଅଭିନେତ୍ରୀ ରୂପେ ସୋନମ୍ ନିଜର ଏକ ପରିଚୟ ତିଆରି କରିପାରିଛନ୍ତି। ପିତା ଅନିଲ୍ କପୁର୍ଙ୍କ ପଦାଙ୍କ ଅନୁସରଣ କରି ସୋନମ୍ ବଲିଉଡ୍ରେ ପାଦ ଥାପିଥିଲେ । ୨୦୦୫ ମସିହାରେ ସଞ୍ଜୟ ଲୀଲା ଭନ୍ସାଲୀଙ୍କ ‘ବ୍ଲାକ୍’ ସିନେମାରେ ସହଯୋଗୀ ନିର୍ଦ୍ଦେଶିକା ରୂପେ ଫିଲ୍ମ ଦୁନିଆକୁ ପ୍ରବେଶ କରିଥିଲେ। ୨୦୦୭ ମସିହାରେ ସଞ୍ଜୟ ଲୀଲା ଭନ୍ସାଲୀଙ୍କ ‘ସାଓ୍ବାରିଆ’ରେ ବଲିଉଡ୍ରେ ଡେବ୍ୟୁ କରିଥିଲେ। ସେ ଏହି ଫିଲ୍ମ ପାଇଁ ଫିଲ୍ମଫେୟାର୍ ନବାଗତାର ପୁରସ୍କାର ଲାଭ କରିଥିଲେ । ପରବର୍ତ୍ତୀ ସମୟରେ ସୋନମ୍ ‘ଆଇ ହେଟ୍ ଲଭ୍ଷ୍ଟୋରିଜ୍’, ‘ଦିଲ୍ଲୀ-୬’, ‘ଆୟେଶା’, ‘ମାସୁମ୍’, ’ଭାଗ୍ ମିଲ୍କା ଭାଗ୍’, ‘ଥ୍ୟାକୟୁ’, ‘ପ୍ଲେୟର୍ସ’ ‘ରାଂଝାନା, ‘ଖୁବ୍ସୁରତ୍’, ‘’ଡଲି କି ଡୋଲି’, ‘’ପ୍ରେମ ରତନ୍ ଧନ ପାୟୋ’, ‘ସଂଜୁ’, ‘ନୀରଜା’, ‘ବୀରେ ଦ ଓ୍ବେଡିଂ’ ’ଏକ୍ ଲଡ୍କୀ କୋ ଦେଖା ତୋ ଐସା ଲଗା’ ଆଦି ଫିଲ୍ମରେ ଅଭିନୟ କରିଛନ୍ତି। ୨୦୧୮ ମସିହାରେ ବ୍ୟବସାୟୀ ଆନନ୍ଦ ଆହୁଜାଙ୍କୁ ବିବାହ କରିଛନ୍ତି ଏହି ସୁନ୍ଦରୀ ଅଭିନେତ୍ରୀ ଜଣକ ।
