ନୂଆଦିଲ୍ଲୀ: ଗ୍ଲେନ୍ ମ୍ୟାକ୍ସୱେଲ ୨୦୨୩ ବିଶ୍ୱକପ୍ ଫାଇନାଲର ବିଜୟ ରନ୍ ମାରିବା ମାତ୍ରେ ସମଗ୍ର ଅଷ୍ଟ୍ରେଲିୟ ଦଳ ପଡ଼ିଆ ଆଡକୁ ଦୌଡିଥିଲେ। ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଆତସବାଜି ମଧ୍ୟ ଆରମ୍ଭ ହୋଇଥିଲା। ଗୋଟିଏ ପଟେ ଉତ୍ସବର ବାତାବରଣ ସୃଷ୍ଟି ହୋଇଥିବା ବେଳେ ଅନ୍ୟ ପଟେ କିଛି ଚେହେରାର ଚିତ୍ର ଦେଖାଯିବା ଆରମ୍ଭ କରିଥିଲା ଯାହା ବୋଧହୁଏ ବହୁ ବର୍ଷ ଧରି ଭାରତୀୟ ପ୍ରଶଂସକଙ୍କୁ ଯନ୍ତ୍ରଣା ଦେବ। ଏହି ଚିତ୍ରଗୁଡ଼ିକ ଭାରତୀୟ ଖେଳାଳିଙ୍କ ଚେହେରାର ଥିଲା, ଯେଉଁଥିରେ ହତାଶ ଏବଂ ନିରାଶ ହୋଇଥିବା ଭାରତୀୟ ଖେଳାଳିଙ୍କ ଚେହେରା ସମ୍ପୂର୍ଣ୍ଣ ଭାବେ ଦେଖାଯାଉଥିଲା। କିଛି ଖେଳାଳି ପଡ଼ିଆରେ ହିଁ ବସିଯାଇଥିଲେ, କେହି କେହି ଆକାଶକୁ ଦେଖିବା ଆରମ୍ଭ କରିଥିଲେ, କେହି କେହି କ୍ୟାପ୍ ଦ୍ଵାରା ମୁହଁ ଲୁଚାଇଥିଲେ। ଏସବୁ ମଧ୍ୟରେ ଦୁଇଟି ଚିତ୍ର ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା। ଏହି ଚିତ୍ର ଦୁଇଟି ଅଧିନାୟକ ରୋହିତ ଶର୍ମା ଏବଂ ଦ୍ରୁତ ବୋଲର ମହମ୍ମଦ ସିରାଜଙ୍କ ଥିଲା।
ମ୍ୟାକ୍ସୱେଲ ରନ୍ ଶେଷ କରିବା ମାତ୍ରେ ରୋହିତ ଶର୍ମା ପାଭିଲିୟନ ଆଡକୁ ଚାଲିବା ଆରମ୍ଭ କରିଥିଲେ। ତାଙ୍କର ଗତି ଧୀର ଥିଲା ଏବଂ ସେ ଚୁପଚାପ୍ ଡ୍ରେସିଂ ରୁମ୍ ଆଡକୁ ଯାଉଥିଲେ। କିଛି ସମୟ ପାଇଁ ସେ ଧୀରେ ଧୀରେ ଆଗକୁ ବଢୁଥିଲେ। କିନ୍ତୁ ତା’ପରେ ତାଙ୍କର ମୁଖର ଅଭିବ୍ୟକ୍ତି ଶୀଘ୍ର ବଦଳିବାକୁ ଲାଗିଲା। ପ୍ରଥମେ ତାଙ୍କ ମୁହଁ ଲାଲ ହୋଇଗଲା ଏବଂ ପରେ ସେ କାନ୍ଦିବାକୁ ଲାଗିଲେ। ସେ ନିଜ ଲୁହକୁ ନିୟନ୍ତ୍ରଣ କରିବାକୁ ଚେଷ୍ଟା କରିବାକୁ ଲାଗିଲେ କିନ୍ତୁ ତାହା ସେ ଅଟକାଇ ପାରିନଥିଲେ। ପଡ଼ିଆ ଛାଡିବା ସମୟରେ ରୋହିତ କାନ୍ଦୁଥିବା ଏହି ଚିତ୍ର କ୍ୟାମେରାରେ କଏଦ ହୋଇଥିଲା।
Dear Ro please don't cry Man 💔🥺#INDvsAUS | #RohitSharma𓃵 pic.twitter.com/vQI1eu4c0L
— Aarz-e-ishq (@Aarzaai_Ishq) November 19, 2023
ଦ୍ରୁତ ବୋଲର ମହମ୍ମଦ ସିରାଜ ନିଜେ ପିଚ୍ରେ କାନ୍ଦିବାକୁ ଲାଗିଲେ। ତାଙ୍କ ଲୁହ ବନ୍ଦ ହେବାର ସଂକେତ ଦେଖାଉ ନଥିଲା। ସାଥୀ ଖେଳାଳିମାନେ ତାଙ୍କୁ ସାନ୍ତ୍ୱନା ଦେଇଥିଲେ। ଜସପ୍ରୀତ ବୁମରା ତାଙ୍କୁ ସାନ୍ତ୍ଵନା ଦେଉଥିବା ନଜର ଆସିଥିଲେ।
https://twitter.com/Z_Ali777/status/1726279881967947970?ref_src=twsrc%5Etfw%7Ctwcamp%5Etweetembed%7Ctwterm%5E1726279881967947970%7Ctwgr%5E03152c146652d05e84abc61f0eea72c162772bec%7Ctwcon%5Es1_&ref_url=https%3A%2F%2Fwww.abplive.com%2Fsports%2Fcricket%2Frohit-sharma-mohammed-siraj-crying-after-world-cup-2023-final-defeat-against-australia-video-2541062
ଉଲ୍ଲେଖ ଯୋଗ୍ୟ ଯେ, ଚଳିତ ବିଶ୍ୱକପ୍ ରେ ଭାରତ ଏକପାଖିଆ ଢଙ୍ଗରେ ସମସ୍ତ ୧୦ ଟି ମ୍ୟାଚ୍ ଜିତି ଫାଇନାଲରେ ପ୍ରବେଶ କରିଥିଲା। କିନ୍ତୁ ଟାଇଟଲ ମ୍ୟାଚରେ ତାଙ୍କୁ ଏକପାଖିଆ ପରାଜୟ ମିଳିଥିଲା। ପ୍ରଥମେ ବ୍ୟାଟିଂ କରି ଭାରତ ୨୪୦ ରନ୍ ସଂଗ୍ରହ କରିଥିଲା, ଏହାର ଜବାବରେ ଅଷ୍ଟ୍ରେଲିଆ ସହଜରେ ୪ ୱିକେଟ୍ ହରାଇ ଲକ୍ଷ୍ୟ ହାସଲ କରିଥିଲା।