ଶ୍ରୀଲଙ୍କା ଗସ୍ତରେ ରହିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜ ଗସ୍ତ ସମୟରେ ଇଷ୍ଟର ଆକ୍ରମଣରେ ନିହତଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । କୌଣସି ଆତଙ୍କବାଦୀ ଆକ୍ରମଣ ଶ୍ରୀଲଙ୍କାବାସୀଙ୍କ ଆତ୍ମବିଶ୍ବାସକୁ ଦୋହଲାଇ ପାରିବ ନାହିଁ ବୋଲି କହିଛନ୍ତି ମୋଦି । ଅଣ ନିର୍ଦ୍ଧାରିତ ଏକ ଚର୍ଚ୍ଚରେ ଅଟକି ଏହି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ ମୋଦି । ଆତଙ୍କବାଦ ହେଉଛି କାପୁରୁଷଙ୍କ କାର୍ଯ୍ୟ ଏପରି କାପୁରୁଷତା ଶ୍ରୀଲଙ୍କାକୁ ପଛକୁ ନେଇ ପାରିବ ନାହିଁ । ଏହା ସହିତ ଭାରତ ସର୍ବଦା ଶ୍ରୀଲଙ୍କା ସହିତ ଏକତ୍ର ଛିଡା ହୋଇ ରହିବ ବୋଲି କହିଛନ୍ତି ମୋଦି । ସୂଚନାଯୋଗ୍ୟ ଯେ, ଇଷ୍ଟର ବିସ୍ଫୋରଣ ପରେ ପ୍ରଥମ ବିଶ୍ବ ନେତୃତ୍ବ ଭାବରେ ଶ୍ରୀଲଙ୍କା ଗସ୍ତ କରିଛନ୍ତି ମୋଦି ।
Tags:
