ନୂଆଦିଲ୍ଲୀ: ବିଭିନ୍ନ ବର୍ଗରେ ଶ୍ରେଷ୍ଠତ୍ୱକୁ ସ୍ୱୀକୃତି ଦେଇ ୫୪ତମ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ଆଇଏଫ୍ଏଫ୍ଆଇ) ଏହାର ସମ୍ମାନଜନକ ଗୋଲ୍ଡେନ୍ ପିକକ୍ ପୁରସ୍କାର ପ୍ରଦାନ କରିଛି। ଗୋଆର ଡ. ଶ୍ୟାମା ପ୍ରସାଦ ମୁଖାର୍ଜୀ ଷ୍ଟାଡିୟମରେ ଆୟୋଜିତ ଏକ ଭବ୍ୟ ସମାପନୀ ସମାରୋହରେ ଚଳଚ୍ଚିତ୍ର ଜଗତର ବିଶିଷ୍ଟ ବ୍ୟକ୍ତିବିଶେଷଙ୍କୁ ନେଇ ଗଠିତ ଅନ୍ତର୍ଜାତୀୟ ବିଚାରକମଣ୍ଡଳୀ ପୁରସ୍କାର ବିଜେତାଙ୍କ ନାମ ଘୋଷଣା କରିଛନ୍ତି। ଗୋଆରେ ଆୟୋଜିତ ଏହି ମହୋତ୍ସବରେ ୧୨ଟି ଅନ୍ତର୍ଜାତୀୟ ଏବଂ ୩ଟି ଭାରତୀୟ ଚଳଚ୍ଚିତ୍ରକୁ ମିଶାଇ ୧୫ଟି ଅସାଧାରଣ ଚଳଚ୍ଚିତ୍ର ସମ୍ମାନଜନକ ଗୋଲ୍ଡେନ୍ ପିକକ୍ ପୁରସ୍କାର ପାଇଁ ପ୍ରତିଦ୍ୱନ୍ଦ୍ୱିତା କରିଥିଲେ। ଏହି ପୁରସ୍କାରରେ ୪୦ ଲକ୍ଷ ଟଙ୍କା, ସାର୍ଟିଫିକେଟ୍ ଓ ଗୋଲ୍ଡେନ୍ ପିକକ୍ ମେଡାଲ ପ୍ରଦାନ କରାଯାଇଛି।
୧. ପାସୀ ଚଳଚ୍ଚିତ୍ର ‘ଏଣ୍ଡଲେସ୍ ବର୍ଡର୍ସ’ ଶ୍ରେଷ୍ଠ ଚଳଚ୍ଚିତ୍ର
ଅବ୍ବାସ ଅମିନିଙ୍କ ନିର୍ଦ୍ଦେଶିତ ପାର୍ସୀ ଫିଲ୍ମ ‘ଏଲେସ୍ ବର୍ଡର୍ସ’କୁ ଶ୍ରେଷ୍ଠ ଚଳଚ୍ଚିତ୍ର ପାଇଁ ସମ୍ମାନଜନକ ‘ଗୋଲ୍ଡେନ୍ ପିକକ୍’ ପୁରସ୍କାରରେ ପୁରସ୍କୃତ କରାଯାଇଥିଲା। ଆଫଗାନିସ୍ତାନରେ ତାଲିବାନର ଉତ୍ଥାନ ଯୋଗୁଁ ସୃଷ୍ଟି ହୋଇଥିବା ଅସ୍ଥିରତା ମଧ୍ୟରେ ଜଣେ ଇରାନୀ ଶିକ୍ଷୟିତ୍ରୀଙ୍କ କଠିନ ଯାତ୍ରା ପୃଷ୍ଠଭୂମି ଉପରେ ଆଧାରିତ ଏକ ଭାବପ୍ରବଣ ଭରା କାହାଣୀ ଏ ଚଳଚ୍ଚିତ୍ରରେ ରହିଛି । ଏଥିରେ ପକ୍ଷପାତ, ନୈତିକ ଦ୍ୱନ୍ଦ୍ୱ ଏବଂ ନିଷିଦ୍ଧ ପ୍ରେମର ଜଟିଳତାକୁ ଜଟିଳ ଭାବରେ ଦର୍ଶାଯାଇଛି । ନିର୍ଦ୍ଦେଶକ ଅବ୍ବାସ ଅମିନୀଙ୍କ ସାହସପୂର୍ଣ୍ଣ କଳାକୁ ପ୍ରଶଂସା କରିବା ସହ ଫିଲ୍ମର ଭୌତିକ ଓ ଭାବନାତ୍ମକ ସୀମା ଅତିକ୍ରମ କରିବାର ଦକ୍ଷତାକୁ ବିଚାରକ ମଣ୍ଡଳୀ ପ୍ରଶଂସା କରିଥିଲେ।
ଏକ ପ୍ରଶଂସାପତ୍ରରେ ବିଚାରକମାନେ କହିଛନ୍ତି, “ଏହି ଚଳଚ୍ଚିତ୍ରରେ ଭୌତିକ ସୀମା କେତେ ଜଟିଳ ହୋଇପାରେ ତାହା ବିଷୟରେ ବର୍ଣ୍ଣିତ। କିନ୍ତୁ ଆପଣ ନିଜ ଉପରେ ଲଗାଇଥିବା ଭାବନାତ୍ମକ ଏବଂ ନୈତିକ ସୀମାଠାରୁ ଅଧିକ ଜଟିଳ ଆଉ କିଛି ହୋଇପାରିବ ନାହିଁ। ଅନ୍ୟପଟେ ଚଳଚ୍ଚିତ୍ର ମହୋତ୍ସବର ଉଦ୍ଦେଶ୍ୟ ହେଉଛି ସୀମା ଅତିକ୍ରମ କରିବା ଏବଂ ଏହି ଫିଲ୍ମ କ୍ଷେତ୍ରରେ ନିର୍ଦ୍ଦେଶକ ନିଜ ସ୍ୱାଧୀନତାର ମୂଲ୍ୟ ଦେଇ ରାଜନୈତିକ ସୀମା ଅତିକ୍ରମ କରିଛନ୍ତି।
ଆଫଗାନିସ୍ତାନ ସୀମା ନିକଟବର୍ତ୍ତୀ ଇରାନର ଏକ ଗରିବ ଗାଁରେ ନିର୍ବାସିତ ଇରାନୀ ଶିକ୍ଷକ ଅହମ୍ମଦଙ୍କ ଯାତ୍ରାକୁ ଏହି ଚଳଚ୍ଚିତ୍ରରେ ଦର୍ଶାଯାଇଛି। ଆଫଗାନିସ୍ତାନରେ ତାଲିବାନର ଉତ୍ଥାନ ଜାତିଗତ ଏବଂ ଆଦିବାସୀ ଯୁଦ୍ଧର ନିଆଁକୁ ପୁଣି ଥରେ ଜାଗ୍ରତ କରିଛି। ତାଲିବାନର ବଢ଼ୁଥିବା ପ୍ରଭାବରେ ହଜାରା ଆଫଗାନମାନେ ବେଆଇନ ଭାବେ ଇରାନରେ ପ୍ରବେଶ କରୁଛନ୍ତି। ଯେତେବେଳେ ଅହମ୍ମଦ ଆଫଗାନିସ୍ତାନର ଏକ ହଜାରା ପରିବାର ସହିତ ପରିଚିତ ହୁଅନ୍ତି, ସେତେବେଳେ ସେ ଏହି ଅଞ୍ଚଳରେ ପକ୍ଷପାତିତା ଏବଂ କଠୋରତାର ପ୍ରକୃତ ଚେହେରା ଦେଖନ୍ତି। ଏକ ନିଷିଦ୍ଧ ପ୍ରେମ ତାଙ୍କୁ କାର୍ଯ୍ୟ କରିବାକୁ ବାଧ୍ୟ କରେ ଏବଂ ସେ ନିଜ ଜୀବନରେ ପ୍ରେମ ଓ ସାହସିକତାର ଅଭାବକୁ ଆବିଷ୍କାର କରନ୍ତି।
୨. ବୁଲଗେରିଆର ନିର୍ଦ୍ଦେଶକ ଷ୍ଟିଫେନ୍ କୋମାଣ୍ଡାରେଙ୍କୁ ତାଙ୍କ ଚଳଚ୍ଚିତ୍ର ‘ବ୍ଲାଗାସ୍ ଲେସନ୍ସ’ ପାଇଁ ଶ୍ରେଷ୍ଠ ନିର୍ଦ୍ଦେଶକ ଭାବେ ସିଲଭର୍ ପିକକ୍ ପୁରସ୍କାର ମିଳିଛି
ବୁଲଗେରିଆର ନିର୍ଦ୍ଦେଶକ ଷ୍ଟିଫେନ୍ କୋମାଣ୍ଡାରେଭ୍ ପ୍ରତାରଣା ସାମ୍ନାରେ ନୈତିକ ବୁଝାମଣାର ପ୍ରଭାବ ଅନ୍ୱେଷଣକୁ ନେଇ ପ୍ରସ୍ତୁତ କରିଥିବା ଚଳଚ୍ଚିତ୍ର ‘ବ୍ଲାଗାସ୍ ଲେସନ୍ସ’ ପାଇଁ ଶ୍ରେଷ୍ଠ ନିର୍ଦ୍ଦେଶକ ପୁରସ୍କାର ହାସଲ କରିଛନ୍ତି । ତାଙ୍କୁ ‘ସିଲ୍ଭର ପିକକ୍’ ପୁରସ୍କାର ମିଳିଛି। ଏହି ଚଳଚ୍ଚିତ୍ରଟି ବ୍ଲାଗା ନାମକ ଜଣେ ବିଧବା ମହିଳାଙ୍କ ଉପରେ ଆଧାରିତ, ଯାହାଙ୍କ ନୈତିକ ସନ୍ତୁଳନ ଟେଲିଫୋନ୍ ଠକେଇର ଶିକାର ହେବା ପରେ ହଜିଯାଏ, ଯେଉଁଥିରେ କମ୍ୟୁନିଷ୍ଟ ଶାସନ ପରବର୍ତ୍ତୀ ବୁଲଗେରିଆରେ ଆଜିର ବରିଷ୍ଠ ନାଗରିକଙ୍କ ଅସୁରକ୍ଷିତ ଜୀବନ ଉପରେ ଆଲୋକପାତ କରାଯାଇଛି।
ଷ୍ଟିଫେନ କୋମାଣ୍ଡାରେଭ ଜଣେ ମହିଳାଙ୍କ ଚରିତ୍ର ମାଧ୍ୟମରେ ଏକ ଶକ୍ତିଶାଳୀ ଏବଂ ଆଶ୍ଚର୍ଯ୍ୟଜନକ ଶିକ୍ଷା ବିଷୟରେ କୁହନ୍ତି। ସେହି ମହିଳାଙ୍କୁ ନିଜର ଲକ୍ଷ୍ୟ ହାସଲ କରିବାକୁ ନିଷ୍ପତ୍ତି ନେବାକୁ ପଡିଥାଏ ଏବଂ ଏହା କରିବା ଦ୍ୱାରା ତାଙ୍କ ମୂଲ୍ୟବୋଧ ସହ ବୁଝାମଣା କରିଥାଏ। ଏହି ଚଳଚ୍ଚିତ୍ରଟି ଜଣେ ମହାନ କଳାକାର ଶ୍ରୀମତୀ ଏଲି ସ୍କୋର୍ଚେଭାଙ୍କ ଦ୍ୱାରା ଚମତ୍କାର ଭାବରେ ଚିତ୍ରିତ ହୋଇଛି ବୋଲି ବିଚାରକମଣ୍ଡଳୀର ପ୍ରଶଂସାପତ୍ରରେ କୁହାଯାଇଛି।
ଏହି ପୁରସ୍କାର ରେ ୧୫ ଲକ୍ଷ ଟଙ୍କା, ପ୍ରମାଣପତ୍ର ଏବଂ ରୌପ୍ୟ ମୟୂର ପଦକ ରହିଛି।
ନିର୍ଦ୍ଦେଶକଙ୍କ ତରଫରୁ ପୁରସ୍କାର ଗ୍ରହଣ କରିଛନ୍ତି ବ୍ଲାଗାସ୍ ଲେସନ୍ସ ମୁଖ୍ୟ ଅଭିନେତ୍ରୀ ଏଲି ସ୍କୋର୍ଚେଭା
୩. ଉତ୍କୃଷ୍ଟ ଅଭିନୟ ପାଇଁ ଶ୍ରେଷ୍ଠ ଅଭିନେତା ଭାବେ ସିଲଭର୍ ପିକକ୍ ସମ୍ମାନରେ ସମ୍ମାନିତ ହେଲେ ପୁରିଆ ରହିମି ସାମ
ଅବ୍ବାସ ଅମିନୀଙ୍କ ନିର୍ଦ୍ଦେଶିତ ପାର୍ସୀ ଫିଲ୍ମ’ଏଣ୍ଡଲେସ୍ ବର୍ଡର୍ସ’ରେ ଅଭିନୟ ପାଇଁ ଅଭିନେତା ପୁରିଆ ରହିମି ସାମଙ୍କୁ ଶ୍ରେଷ୍ଠ ଅଭିନେତ୍ରୀ ଭାବେ ମନୋନୀତ କରାଯାଇଛି। “ଆହ୍ୱାନପୂର୍ଣ୍ଣ ସୁଟିଂ ପରିସ୍ଥିତିରେ ତାଙ୍କ ସାଥୀ, ପିଲା ଏବଂ ବୟସ୍କମାନଙ୍କ ସହିତ ଅଭିନୟ ଏବଂ ବାର୍ତ୍ତାଳାପ କରିବାର ଉତ୍କୃଷ୍ଟଟତା ପାଇଁ ଅଭିନେତାଙ୍କୁ ବିଚାରକମାନେ ଚୟନ କରିଛନ୍ତି।
ଜାତିଗତ ଉତ୍ତେଜନା ଏବଂ ନିଷିଦ୍ଧ ପ୍ରେମର ମୁକାବିଲା କରୁଥିବା ନିର୍ବାସିତ ଇରାନୀ ଶିକ୍ଷକ ଅହମ୍ମଦ ଭୂମିକାରେ ତାଙ୍କର ସୂକ୍ଷ୍ମ ଅଭିନୟ ବିଚାରକମାନେ ଗଭୀର ଭାବରେ ଅନୁଭୂତ ହୋଇଥିଲା, ଚ୍ୟାଲେଞ୍ଜିଂ ସୁଟିଂ ପରିସ୍ଥିତିରେ ଏହାର ସମୃଦ୍ଧି ଏବଂ ସତ୍ୟତା ପାଇଁ ପ୍ରଶଂସା କରିଥିଲେ।
ଏଣ୍ଡଲେସ୍ ବର୍ଡର୍ସ ଚଳଚ୍ଚିତ୍ରରେ ଅଭିନେତା ପୁରିଆ ରହିମି ସାମ୍ଙ୍କ ଏକ ଫଟୋ
୪. ମେଲାନି ଥିଏରିଙ୍କୁ ଶ୍ରେଷ୍ଠ ଅଭିନେତ୍ରୀ (ମହିଳା) ଭାବେ ସିଲ୍ଭର ପିକକ୍ ପୁରସ୍କାର
ଫ୍ରାନ୍ସ ଅଭିନେତ୍ରୀ ମେଲାନି ଥିଏରିଙ୍କୁ ‘ପାର୍ଟି ଅଫ୍ ଫୁଲ୍’ ପାଇଁ ଶ୍ରେଷ୍ଠ ଅଭିନେତ୍ରୀ (ମହିଳା) ଭାବେ ସିଲଭର ପିକକ୍ ସମ୍ମାନରେ ସମ୍ମାନିତ କରାଯାଇଛି। ପ୍ରଶଂସାପତ୍ରରେ ବିଚାରକ ମଣ୍ଡଳୀ ସଦସ୍ୟମାନେ କହିଛନ୍ତି ଯେ ଜଣେ ଅଭିନେତ୍ରୀଙ୍କୁ ଏହି ପୁରସ୍କାର ପ୍ରଦାନ କରାଯାଇଛି, ଯାହାଙ୍କର ଅଭିବ୍ୟକ୍ତି ଆମକୁ ତାଙ୍କ ଚରିତ୍ରର ଉତ୍ସାହପ୍ରଦ ଯାତ୍ରାରେ ସମ୍ମୁଖୀନ ହେଉଥିବା ଆଶାଠାରୁ ନିରାଶା ପର୍ଯ୍ୟନ୍ତ ସମସ୍ତ ଭାବନା ଦେଇଥାଏ। ତାଙ୍କ ଚରିତ୍ରରେ ଅନେକ ଭାବପ୍ରବଣତା ଦେଖିବାକୁ ମିଳିଥିଲା, ଯାହା ତାଙ୍କ ଚରିତ୍ରର ଅଶାନ୍ତ ଯାତ୍ରାରେ ଆଶା ଓ ନିରାଶାକୁ ଜଟିଳ ଭାବରେ ବୁଣିଥିଲା, ସୂକ୍ଷ୍ମତା ଏବଂ ଗଭୀରତା ସହିତ ଦର୍ଶକଙ୍କୁ ଆକର୍ଷିତ କରିଥିଲା।
ଆଇଏଫଏଫଆଇରେ ଅନ୍ତର୍ଜାତୀୟ ପ୍ରତିଯୋଗିତାର ପାଖାପାଖି ୧୫ଟି ଚଳଚ୍ଚିତ୍ରର ମହିଳା କଳାକାରଙ୍କ ମଧ୍ୟରୁ ଅନ୍ତର୍ଜାତୀୟ ଜୁରି ଦ୍ୱାରା ମନୋନିତ ଶ୍ରେଷ୍ଠ ମହିଳା ଅଭିନେତ୍ରୀଙ୍କୁ ଏହି ପୁରସ୍କାର ପ୍ରଦାନ କରାଯାଏ। ଏଥିରେ ୧୦ ଲକ୍ଷ ଟଙ୍କା, ପ୍ରମାଣପତ୍ର ଓ ସିଲଭର୍ ପିକକ୍ ର ପଦକ ରହିଛି।
୫. ଭାରତୀୟ ଚଳଚ୍ଚିତ୍ର ନିର୍ମାତା ଋଷବ ସେଟ୍ଟୀଙ୍କୁ କାନ୍ତାରା ପାଇଁ ସ୍ବତନ୍ତ୍ର ଜୁରୀ ପୁରସ୍କାର
ସମୀକ୍ଷକମାନଙ୍କ ଦ୍ୱାରା ପ୍ରଶଂସିତ ଭାରତୀୟ ଚଳଚ୍ଚିତ୍ର ନିର୍ମାତା ଋଷଭ ସେଟ୍ଟୀ ‘କାନ୍ତାରା’ ପାଇଁ ସ୍ୱତନ୍ତ୍ର ବିଚାରକ ମଣ୍ଡଳୀ ବା ଜୁରି ପୁରସ୍କାର ପାଇଛନ୍ତି । ଭାରତୀୟ ନିର୍ଦେଶକଙ୍କ ପାଇଁ ବିଚାରକମାନେ ସେମାନଙ୍କ ପ୍ରଶଂସାପତ୍ରରେ ଉଲ୍ଲେଖ କରିଛନ୍ତି, “ନିର୍ଦ୍ଦେଶକଙ୍କ ଏକ ଗୁରୁତ୍ୱପୂର୍ଣ୍ଣ କାହାଣୀ ଉପସ୍ଥାପନ କରିବାର ଦକ୍ଷତା ପାଇଁ ଏହି ପୁରସ୍କାର ପ୍ରଦାନ କରାଯାଇଛି।’’ ଏହି ଚଳଚ୍ଚିତ୍ରଟି ଜଙ୍ଗଲ ପ୍ରେତମାନଙ୍କର ନିଜସ୍ୱ ସଂସ୍କୃତି ଉପରେ ଆଧାରିତ ହୋଇଥିଲେ ମଧ୍ୟ ସଂସ୍କୃତି ଓ ସାମାଜିକ ସ୍ଥିତି ନିର୍ବିଶେଷରେ ସବୁ ଦର୍ଶକଙ୍କ ପାଖରେ ପହଞ୍ଚିଥାଏ। ପରମ୍ପରା ଓ ଆଧୁନିକତାର ସଂଘର୍ଷ ମଧ୍ୟରେ ଏକ ମାର୍ମିକ ବାର୍ତ୍ତା ଦେଇ ଏକ କାଳ୍ପନିକ ଗ୍ରାମରେ ମଣିଷ ଓ ପ୍ରକୃତି ମଧ୍ୟରେ ଥିବା ଆଦର୍ଶଗତ ସଂଘର୍ଷକୁ ସେଟ୍ଟୀଙ୍କ ଏହି ଚଳଚ୍ଚିତ୍ରରେ ଆଲୋକପାତ କରାଯାଇଛି।
ଋଷବ ସେଟ୍ଟୀ କନ୍ନଡ ଚଳଚ୍ଚିତ୍ର ଜଗତର ଜଣେ ଅଭିନେତା ଏବଂ ଚଳଚ୍ଚିତ୍ର ନିର୍ମାତା ଅଟନ୍ତି। ସମୀକ୍ଷକଙ୍କ ଦ୍ୱାରା ପ୍ରଶଂସିତ ବ୍ଲକବଷ୍ଟର ଫିଲ୍ମ ‘କାନ୍ତାରା’ ପାଇଁ ପରିଚିତ ଋଷଭ ୬୬ତମ ଜାତୀୟ ଚଳଚ୍ଚିତ୍ର ପୁରସ୍କାର, ଶିଶୁ ଚଳଚ୍ଚିତ୍ର ନିର୍ମାତା ପୁରସ୍କାର ସମେତ ଅନକେ ଚଳଚ୍ଚତ୍ରି ପୁରସ୍କାର ଜିତିଛନ୍ତି।
ଏହି ପୁରସ୍କାର କୌଣସି ଚଳଚ୍ଚିତ୍ରକୁ ପ୍ରଦାନ କରାଯାଏ ଯାହାକୁ ବିଚାରକ ମଣ୍ଡଳୀ ସ୍ୱୀକାର/ପୁରସ୍କାର ଦେବାକୁ ଚାହାଁନ୍ତି କିମ୍ବା କୌଣସି ଚଳଚ୍ଚିତ୍ରରେ କଳାତ୍ମକ ଅବଦାନ ପାଇଁ ଜଣେ ବ୍ୟକ୍ତିଙ୍କୁ ପ୍ରଦାନ କରାଯାଏ । ଏହି ପୁରସ୍କାର ସ୍ୱରୂପ ଗୋଟିଏ ସିଲଭର୍ ପିକକ୍ ପଦକ, ୧୫ ଲକ୍ଷ ଟଙ୍କାର ଅର୍ଥରାଶି ଏବଂ ଏକ ପ୍ରମାଣପତ୍ର ରହିଛି।
ଦକ୍ଷିଣ କନ୍ନଡର କାଳ୍ପନିକ ଗ୍ରାମର ପୃଷ୍ଠଭୂମି ଉପରେ ଆଧାରିତ ଏହି ଚଳଚ୍ଚିତ୍ରଟି ମଣିଷ ଏବଂ ପ୍ରକୃତି ମଧ୍ୟରେ ଆଦର୍ଶଗତ ସଂଘର୍ଷକୁ ଆବିଷ୍କାର କରିଛି । ଜଙ୍ଗଲ ସହ ବସବାସ କରୁଥିବା ଜନଜାତିର ସହ-ଅସ୍ତିତ୍ୱକୁ ଜଣେ ବନ ଅଧିକାରୀ ବାଧାପ୍ରାପ୍ତ କରୁଛନ୍ତି, ଯିଏ ଅନୁଭବ କରନ୍ତି ଯେ ଜନଜାତି ଦ୍ୱାରା ଅନୁସରଣ କରାଯାଉଥିବା କେତେକ ରୀତିନୀତି ଏବଂ ପରମ୍ପରା ପ୍ରକୃତି ମାତାଙ୍କ ପାଇଁ ବିପଦ ସୃଷ୍ଟି କରୁଛି। ସେ ସେମାନଙ୍କ ଦେବତାଙ୍କ ଅସ୍ତିତ୍ୱ ଉପରେ ପ୍ରଶ୍ନ ଉଠାଇଛନ୍ତି ଯାହା ଭୂମି ସହିତ ଜଡିତ ପରମ୍ପରା ଏବଂ ସଂସ୍କୃତି ସହିତ ଅହଂକାରର ଯୁଦ୍ଧ ଚଳାଇଥାଏ। ନାୟକ ଶିବା କାମ୍ବାଲା ମହୋତ୍ସବରେ ଶୀର୍ଷ ଦୌଡ଼ାଳି ହୋଇଥିବାବେଳେ ସେ ଶିକାର ଏବଂ ଜଙ୍ଗଲରୁ ମୂଲ୍ୟବାନ ଗଛ ବେଆଇନ ଭାବେ କାଟିବା ଓ ବିକ୍ରି କରୁଥିବାରୁ ବନ ବିଭାଗ ପାଇଁ ଏକ ଗମ୍ଭୀର ବିପଦ ସୃଷ୍ଟି କରିଛନ୍ତି। ଜଙ୍ଗଲ ନଷ୍ଟ ଅଭିଯୋଗରେ ବନ ବିଭାଗ ଶିବା ଓ ତାଙ୍କ ସାଥୀମାନଙ୍କୁ ପଚରାଉଚରା କରୁଛି। ଜନଜାତି ବିଶ୍ୱାସ କରନ୍ତି ଯେ ଏହି ବହୁଦିନ ପୂର୍ବରୁ ଜଣେ ରାଜା ସେମାନଙ୍କୁ ଜଙ୍ଗଲ ଦାନ କରିଥିଲେ। ଶିବା ନିଜ ଅସ୍ତିତ୍ୱକୁ ଅନୁଭବ କରି ଗାଁରେ ଶାନ୍ତି ଓ ସୌହାର୍ଦ୍ଦ୍ୟ ଫେରାଇ ଆଣିବାରେ ସକ୍ଷମ ହେବେ କି? ତାହା ଉପରେ ଚଳଚ୍ଚିତ୍ର ଆଧାରିତ।
୬. ରେଗର ଆଜାଦ କାୟାଙ୍କୁ ଜଣେ ନିର୍ଦ୍ଦେଶକ ଭାବେ ଶ୍ରେଷ୍ଠ ପଦାର୍ପଣକାରୀ ଫିଚର ଫିଲ୍ମ ପାଇଁ ପୁରସ୍କାର ମିଳିଛି
ଜଣେ ପ୍ରତିଭାବାନ ଚଳଚ୍ଚିତ୍ର ନିର୍ମାତା ରେଗର ଆଜାଦ କାୟାଙ୍କୁ ଜଣେ ନିର୍ଦ୍ଦେଶକଙ୍କ ଶ୍ରେଷ୍ଠ ପଦାର୍ପଣକାରୀ ଫିଚର ଫିଲ୍ମ ପୁରସ୍କାର ମିଳିଛି । ସେ ହ୍ୱେନ୍ ଦ ସିଡ୍ଲିଂସ୍ ଗ୍ରୋ ଚଳଚ୍ଚିତ୍ର ପାଇଁ ଏହି ସୁରସ୍କାର ପାଇଛନ୍ତି। ବିଚାରକମାନେ ଦର୍ଶାଇଛନ୍ତି ଯେ ଚଳଚ୍ଚିତ୍ରଟି ଏକ କାହାଣୀ ବର୍ଣ୍ଣନା କରିଛି ଯାହା ଆମକୁ ଛୋଟ ଛୋଟ ଘଟଣା ମାଧ୍ୟମରେ ପିତା, ଝିଅ ଏବଂ ଜଣେ ହଜିଯାଇଥିବା ପୁଅର ଜୀବନର ଗୋଟିଏ ଦିନ ଦେଖାଇବାରେ ସଫଳ ହୋଇଛି । ଚରିତ୍ର ସହିତ ଏକ ଦେଶ ଏବଂ ଏହାର ଆଘାତର ଏକ ଅନ୍ତରଙ୍ଗ କାହାଣୀ ଏଥିରେ ରହିଛି । ଏହି ଚଳଚ୍ଚିତ୍ରଟିଏକ ପିତା, ଝିଅ ଏବଂ ଏକ ହଜିଯାଇଥିବା ପୁଅର ଜୀବନର ଏକ ଦିନର ମାର୍ମିକ ଚିତ୍ରଣ, ଯାହା ଦେଶର ଦୁଃଖ ମଧ୍ୟରେ ଏକ ଅନ୍ତରଙ୍ଗ କାହାଣୀ ବୁଣିଥାଏ।
ଅନ୍ତର୍ଜାତୀୟ ବିଚାରକଙ୍କ ଦ୍ୱାରା ଚୟନ କରାଯାଇଥିବା ପଦାର୍ପଣକାରୀ ନିର୍ଦ୍ଦେଶକଙ୍କୁ ଏହି ପୁରସ୍କାର ବିଶ୍ୱ ସିନେମାର ସବୁଠାରୁ ଆଶାଜନକ ନୂତନ ନିର୍ଦ୍ଦେଶକ ପ୍ରତିଭାଙ୍କୁ ଚିହ୍ନିବା ଏବଂ ଉତ୍ସାହିତ କରିବା ଉଦ୍ଦେଶ୍ୟରେ ପ୍ରଦାନ କରାଯାଇଛି।
ଏହି ବିଭାଗରେ ୫ଟି ଅନ୍ତର୍ଜାତୀୟ ଓ ୨ଟି ଭାରତୀୟ ଚଳଚ୍ଚିତ୍ର ସମ୍ମାନଜନକ ସିଲଭର୍ ପିକକ୍ ପଦକ, ୧୦ ଲକ୍ଷ ଟଙ୍କା ନଗଦ ପୁରସ୍କାର ଓ ପ୍ରମାଣପତ୍ର ପାଇବା ପାଇଁ ପ୍ରତିଦ୍ୱନ୍ଦ୍ୱିତା କରିଥିଲେ।
ଚଳଚ୍ଚିତ୍ର ନିର୍ମାଣରେ ଶ୍ରେଷ୍ଠତାର ସ୍ୱୀକୃତି ସ୍ୱରୂପ ଗୋଲ୍ଡେନ୍ ପିକକ୍ ଆୱାର୍ଡ ହେଉଛି ବିଶ୍ୱର ଅନ୍ୟତମ ସମ୍ମାନଜନକ ଚଳଚ୍ଚିତ୍ର ସମ୍ମାନ । ଚଳିତ ବର୍ଷ ଜୁରି ବା ବିଚାରକ ମଣ୍ଡଳୀରେ ଭାରତୀୟ ଚଳଚ୍ଚିତ୍ର ନିର୍ମାତା ଶେଖର କପୁର, ସ୍ପେନୀୟ ସିନେମାଟୋଗ୍ରାଫର ଜୋସ ଲୁଇସ୍ ଆଲକେନ୍, ଫ୍ରାନ୍ସ ଚଳଚ୍ଚିତ୍ର ନିର୍ମାତା ଜେରୋମ ପୋଲାର୍ଡ ଏବଂ କ୍ୟାଥରିନ ଦୁସାର୍ଟ ଏବଂ ଅଷ୍ଟ୍ରେଲୀୟ ଚଳଚ୍ଚିତ୍ର ନିର୍ମାତା ହେଲେନ୍ ଲିକ୍ ସାମିଲ ଥିଲେ।
ପ୍ରତିଦ୍ୱନ୍ଦ୍ୱିତା କରୁଥିବା ଚଳଚ୍ଚିତ୍ରଗୁଡ଼ିକ ମଧ୍ୟରେ ଓମେନ୍ ଅଫ୍ (ମୂଳ ଶୀର୍ଷକ -କୋବିଟା ଜେଡ୍), ଦି ଅଦର ୱିଡୋ (ମୂଳ ଶୀର୍ଷକ -ପାଇଲଗେଶ), ଦ ପାର୍ଟି ଅଫ୍ ଫୁଲ୍ସ (ମୂଳ ଶୀର୍ଷକ -କ୍ୟାପ୍ଟିଭ୍ସ), ମେଜର୍ସ ଅଫ୍ ମେନ୍ସ (ମୂଳ ଶୀର୍ଷକ -ଡେର୍ ଭର୍ମେସେନ୍ ମେନ୍ସ୍), ଲୁବୋ, ହଫମ୍ୟାନ୍ସ୍ ଫେୟାରୀ ଟେଲ୍ସ (ମୂଳ ଶୀର୍ଷକ: ସ୍କାଜକି ଗୋଫମାନା), ଏଣ୍ଡଲେସ୍ ବର୍ଡର୍ସ (ମୂଳ ଶୀର୍ଷକ: ମାର୍ଜାଏ ବି ପାୟାନ୍), ଡାଇ ବିଫର୍ ଡେଥ୍ (ମୂଳ ଶୀର୍ଷକ: ଉମରି ପ୍ରିଜେ ସ୍ମୃତି), ବୋସ୍ନିଆନ ପଟ୍ (ମୂଳ ଶୀର୍ଷକ: ବୋସାନସ୍କି ଲୋନାକ୍), ବ୍ଲାଗାସ୍ ଲେସନ୍ସ୍ (ମୂଳ ଶୀର୍ଷକ: ୟୁରୋଟ୍ସାଇଟ୍ ନା ବ୍ଲାଗା), ଆସୋଗ୍, ଆଣ୍ଡ୍ରାଗୋଜି (ମୂଳ ଶୀର୍ଷକ: ବୁଡି ପେକର୍ଟି) ଏବଂ ତିନୋଟି ଭାରତୀୟ ଚଳଚ୍ଚିତ୍ର କାନ୍ତାରା, ସାନା ଏବଂ ମୀରବିନ୍ ସାମିଲ ରହିଛି।
