ଚୀନ୍ରେ ଏକ ପଥର ଖଣି ଭୁଶୁଡି 9 ଜଣ ଶ୍ରମିକଙ୍କ ମୃତ୍ୟୁ ଘଟିଛି । ଏହି ଘଟଣାରେ ଅନ୍ୟ 10 ଜଣ ଆହତ ହୋଇଛନ୍ତି । ଚୀନ୍ର ଉତ୍ତର ପୂର୍ବୀୟ ଅଞ୍ଚଳରେ ଥିବା ଜିଲିନ୍ ପ୍ରଦେଶରେ ଏହିୀ ଅଘଟଣ ସୋମବାର ଦିନ ଘଟିଥିବା ଜଣା ପଡିଛି । କୋଙ୍ଗାଙ୍ଗରେ ରହିଥିବା ଏକ ଖଣି ଅଞ୍ଚଳରେ ଏହି ଦୁର୍ଘଟଣା ଘଟିଛି । ଲୋଞ୍ଜିଜିଆବୋ କମ୍ପାନୀର ଏହି ଖଣି ଏକ ଭୂକମ୍ପ ପ୍ରଭାବରେ ଭୁଶୁଡି ପଡିଥିଲା । ଏକ 2.3 ତୀବ୍ରତାର ଭୂକମ୍ପ ପ୍ରଭାବରେ ଏହି ଖଣି ଭୁଶୁଡି ପଡିଥିଲା । ଘଟଣା ସ୍ଥଳରେ ତୁରନ୍ତ ଉଦ୍ଧାର କାର୍ଯ୍ୟ ଜାରି କରାଯାଇଥିଲା । 9 ଜଣଙ୍କୁ ମୃତ ଘୋଷଣା କରାଯାଇଥିବା ବେଳ 10 ଜଣ ଆହତ ହୋଇଛନ୍ତି । ଆହତ ମାନଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି । ଉଦ୍ଧାର କାର୍ଯ୍ୟ ଜାରି ରହିଥିବାରୁ ମୃତ୍ୟଗୁ ସଂଖ୍ୟା ବଢିବାର ସମ୍ଭାବନା ରହିଛି ।
Tags:
