ପ୍ରସିଦ୍ଧ ଲେଖକ, ଅଭିନେତା, ନିର୍ଦ୍ଦେଶକ ତଥା ସାହିତ୍ୟ ପାଇଁ ଜ୍ଞାନପୀଠ ପୁରସ୍କାର ପ୍ରାପ୍ତ ଗିରିଶ କର୍ଣ୍ଣଡଙ୍କ ପରଲୋକ ହୋଇଛି। ସାହିତ୍ୟରେ ଦେଶର ଶ୍ରେଷ୍ଠ ସମ୍ମାନ ଜ୍ଞାନପୀଠ ପୁରସ୍କାର ହାସଲ କରିଥିବା କର୍ଣ୍ଣଡ ସୋମବାର ସକାଳେ ୮୧ବର୍ଷ ବୟସରେ ପ୍ରାଣ ହରାଇଛନ୍ତି। କର୍ଣ୍ଣଡ କିଛି ଦିନ ହେବ ନିଶ୍ବାସ ନେବାରେ ସମସ୍ୟା ଅନୁଭବ କରୁଥିଲେ। କନ୍ନଡ ସାହିତ୍ୟ ସହିତ ଭାରତୀୟ ଥିଏଟରର ଉତ୍ଥାନରେ କର୍ଣ୍ଣଡଙ୍କର ବୃହତ ଅବଦାନ ରହିଛି। ୧୯୩୮ ମସିହାରେ ମହାରାଷ୍ଟ୍ରରେ ଜନ୍ମ ଗ୍ରହଣ କରିଥିବା ଗୀରିଶ କର୍ଣ୍ଣଡ କର୍ଣ୍ଣାଟକରେ ନିଜର ଶିକ୍ଷା ସମାପ୍ତ କରିଥିଲେ। ଚିକାଗୋ ବିଶ୍ବବିଦ୍ୟାଳୟରେ ଜଣେ ପ୍ରଫେସର ଭାବରେ ଶିକ୍ଷାଦାନ କରିଛନ୍ତି କର୍ଣ୍ଣଡ। ସାହିତ୍ୟ, ଶିକ୍ଷା, ଥିଏଟର ଏବଂ ସିନେମାରେ ତାଙ୍କର ଅବଦାନ ପାଇଁ ଭାରତ ସରକାରଙ୍କ ପକ୍ଷରୁ ତାଙ୍କୁ ପଦ୍ମଶ୍ରୀ ଏବଂ ପଦ୍ମ ଭୂଷଣରେ ସମ୍ମାନିତ କରାଯାଇଛି। ଶେଷ ଥର ପାଇଁ କର୍ଣ୍ଣଡଙ୍କୁ ‘ଟାଇଗର ଜିନ୍ଦା ହୈ’ ଫିଲ୍ମରେ ଦେଖିବାକୁ ମିଳିଥିଲା।
Tags:
