ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦିନିକିଆ ତିରୁପତି ଗସ୍ତରେ ଯାଇଛନ୍ତି । ଏହି ଗସ୍ତ ସମୟରେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀଙ୍କୁ ଭେଟିଛନ୍ତି ମୋଦି । ଆନ୍ଧ୍ର ପ୍ରଦେଶର ବିକାଶ ପାଇଁ କେନ୍ଦ୍ର ସର୍ବଦା ପ୍ରଚେଷ୍ଟାରତ ଏବଂ ଏଥିପାଇଁ ଜଗନ ମୋହନଙ୍କ ସରକାରକୁ ସମ୍ପୂର୍ଣ୍ଣ ସହାୟତା କରାଯିବ ବୋଲି ମୋଦି କହିଛନ୍ତି । ତିରୁପତି ଦର୍ଶନ ପରେ ବିଜେପିର ଏକ ସାଧାରଣ ସଭାରେ ଯୋଗ ଦେଇଥିଲେ ମୋଦି । ବିକାଶ ନିମନ୍ତେ ଆନ୍ଧ୍ରପ୍ରଦେଶ ନିକଟରେ ପ୍ରଚୁର ସୁଯୋଗ ରହିଛି ଏବଂ ବିଜେପି ସର୍ବଦା ବିକାଶଧାରାରେ ବିଶ୍ବାସ କରିଥାଏ ତେଣୁ ଜଗନ ସରକାରଙ୍କୁ ସମସ୍ତ ପ୍ରକାରର ସହାୟତା ପ୍ରଦାନ କରାଯିବା ନେଇ ମୋଦି କହିଛନ୍ତି । ମୋଦିଙ୍କୁ ବିମାନ ବନ୍ଦରରୁ ପାଛୋଟି ନେଇଥିଲେ ଆନ୍ଧ୍ରପ୍ରଦେଶର ନବ ନିର୍ବାଚିତ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀ । ଉଭୟଙ୍କ ମଧ୍ୟରେ ଆଲୋଚନାରେ ଆନ୍ଧ୍ରପ୍ରଦେଶକୁ ସ୍ବତନ୍ତ୍ର ମାନ୍ୟତା ଦାବି କରିଥିଲେ ଜଗନ ।
Tags:
