ଭାରତୀୟ କ୍ରିକେଟ କିମ୍ବଦନ୍ତୀ ସଚିନ୍ ତେନ୍ଦୁଲକର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଜଣାଇଛନ୍ତି । କ୍ରିକେଟର ପ୍ରଚାର ପ୍ରସାର କରିଥିବାରୁ ଟ୍ବିଟ୍ଟର ଜରିଆରେ ଧନ୍ୟବାଦ ଜଣାଇଛନ୍ତି ସଚିନ୍ । ନିଜର ମାଳଦ୍ବୀପ ଗସ୍ତ ସମୟରେ ଭାରତୀୟ ଜାତୀୟ ଦଳ ଦ୍ବାରା ଦସ୍ତଖତ ହୋଇଥିବା ଏକ ବ୍ୟାଟ୍ ମାଳଦ୍ବୀପ ରାଷ୍ଟ୍ରପତିଙ୍କୁ ପ୍ରଦାନ କରିଥିଲେ । ମୋଦିଙ୍କ ଏହି ପଦକ୍ଷେପ ଉଭୟ ରାଷ୍ଟ୍ର ମଧ୍ୟରେ ଏକ କ୍ରିକେଟିଂ ସମ୍ପର୍କ ସ୍ଥାପନରେ ସହାୟକ ହେବ ବୋଲି ଟ୍ବିଟ୍ଟରରେ ଲେଖିଛନ୍ତି ଏହି କିମ୍ବଦନ୍ତୀ କ୍ରିକେଟର । ଏହି ଉପହାର ଦେଇ ଆପଣ ଏକ ଅଲଗା ଉଦାହରଣ ସୃଷ୍ଟି କରିଛନ୍ତି ଏବଂ ଖୁବ୍ ଶୀଘ୍ର କ୍ରିକେଟ ଖେଳୁଥିବା ରାଷ୍ଟ୍ର ମଧ୍ୟରେ ମାଳଦ୍ବୀପ ଆସିବା ନେଇ ମୁଁ ଆଶା କରୁଛି ବୋଲି ଲେଖିଛନ୍ତି ସଚିନ୍ ତେନ୍ଦୁଲକର ।
Tags:
