ତାମିଲ ଅଭିନେତା ଅଜିତ୍ କୁମାରଙ୍କ ବ୍ଲକବଷ୍ଟର ଫିଲ୍ମ ଭେଦଲମ୍ ରିମେକ୍ରେ ନଜର ଆସିବାକୁ ଯାଉଛନ୍ତି ବଲିଉଡ୍ ହଙ୍କ ଜନ୍ ଆବ୍ରାହାମ୍। ଖଳନାୟକଙ୍କ ସନ୍ଧାନରେ ରହିଥିବା ଜଣେ ରାଗୀ ହିରୋ ଭୂମିକାରେ ନଜର ଆସିଛନ୍ତି ଜନ୍ ଆବ୍ରାହମ୍। ଫିଲ୍ମରେ ଜନ୍ ଅଜିତ୍ଙ୍କ ଭୂମିକାରେ ନଜର ଆସିବାକୁ ଥିବା ବେଳେ ଭୂଷଣ କୁମାର ଏହାର ପ୍ରଯୋଜନା କରୁଛନ୍ତି। ତାମିଲ ଫିଲ୍ମରେ ବିଦ୍ୟା ବାଲାନ ଏବଂ ଲକ୍ଷ୍ମୀ ମେନନ ଗୁରୁତ୍ବପୂର୍ଣ୍ଣ ଭୂମିକାରେ ରହିଥିବା ବେଳେ ବଲିଉଡ୍ ଫିଲ୍ମର ଷ୍ଟାରକାଷ୍ଟ ଚୂଡାନ୍ତ ହୋଇନାହିଁ। ସିନେମାଟୋଗ୍ରାଫର ଶିବା ତାମିଲ ଫିଲ୍ମର ନିର୍ଦ୍ଦେଶନା ଦେଇଥିବା ବେଳେ ଏହି ଫିଲ୍ମର ନିର୍ଦ୍ଦେଶନା ମଧ୍ୟ ଶିବା ଦେବେ ବୋଲି ଜଣାପଡିଛି। ଏହି ଫିଲ୍ମ ବ୍ୟତିତ ଜନ୍ ମୁମ୍ବାଇ ସାଗାରେ ନଜର ଆସିବାକୁ ଯାଉଛନ୍ତି ଜନ୍। ସଞ୍ଜୟ ଗୁପ୍ତାଙ୍କ ଦ୍ବାରା ନିର୍ଦ୍ଦେଶିତ ଏହି ଫିଲ୍ମରେ ୧୯୮୦-୯୦ ମସିହାରେ ବମ୍ବେର କାହାଣୀ ଉପରେ ଆଧାରିତ ରହିବ।
Tags:
