ଭୁବନେଶ୍ବର: ଆଜି କେନ୍ଦ୍ର ବିଜେପି ଲୋକସଭା ନିର୍ବାଚନ ପାଇଁ 18 ଟି ରାଜ୍ୟର 195 ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି। ଯେଉଁଥିରେ ଦେଶର ପ୍ରମୁଖ ନେତାଙ୍କ ନାମ ରହିଛି। ସେମାନଙ୍କ ମଧ୍ୟରେ ରହିଛନ୍ତି ଖୋଦ ପ୍ରଧାନମନ୍ତ୍ରୀ, ଗୃହମନ୍ତ୍ରୀ, ପ୍ରତିରକ୍ଷା ମନ୍ତ୍ରୀଙ୍କ ସମେତ ଦେଶର ପ୍ରମୁଖ ନେତାଙ୍କ ନାମ।
ତେବେ ଏହି ତାଲିକାରେ ଓଡିଶା ରାଜ୍ୟକୁ ଦଳ ବାଦ ଦେଇଛି। ଏଥିରେ କାହା ନାମ ମଧ୍ୟ ଘୋଷଣା କରି ନାହିଁ। ତେବେ ଏହାକୁ ନେଇ ରାଜ୍ୟ ବିଜେପି ନେତାଙ୍କ ହୋସ ଉଡିଯାଇଛି। କାରଣ ହେଲା ଓଡିଶାରେ କଣ ମେଣ୍ଟ ହେବ ବୋଲି ପ୍ରଥମ ପର୍ଯ୍ୟାୟରେ ରାଜ୍ୟକୁ ବାଦ ଦେଇଛି କି ? ଏହିପରି ପ୍ରଶ୍ନକୁ ନେଇ ବର୍ତ୍ତମାନ ଓଡିଶା ବିଜେପି ନେତାଙ୍କ ମୁଣ୍ଡବିନ୍ଧା କରିଛି।
ସେତିକି ନୁହେଁ ଆଉ ଏକ ବଡ ଘଟଣାକୁ ନେଇ ଓଡିଶା ବିଜେପିର ହୋସ ଉଡିଯାଇଛି। ତାହା ହେଲା ବର୍ତ୍ତମାନ ବିଜେପି ମୋଟ 18ଟି ରାଜ୍ୟର ପ୍ରାର୍ଥୀ ତାଲିକା ଘୋଷଣା କରିଛି। ତେବେ ଯେଉଁ ରାଜ୍ୟଗୁଡିକର ପ୍ରାର୍ଥୀ ଘୋଷଣା କରାଯାଇ ନାହିଁ ସେଗୁଡିକ ହେଲା ମହାରାଷ୍ଟ୍ର, ଆନ୍ଧ୍ରପ୍ରଦେଶ, ତାମିଲନାଡୁ, କର୍ଣ୍ଣାଟକ, ବିହାର ଏବଂ ଓଡିଶା ପ୍ରଭୃତି ରହିଛି। ଏହିସବୁ ରାଜ୍ୟରେ ବିଜେପି ସରକାରରେ ନାହିଁ। ତେଣୁ ଏହି ରାଜ୍ୟ ଗୁଡିକରେ ମେଣ୍ଟ କରିବା ପାଇଁ ବିଜେପି ପ୍ରାର୍ଥୀ ଘୋଷଣା କରି ନାହିଁ ବୋଲି ସ୍ପଷ୍ଟ ହୋଇଛି।
ଏ ସବୁ ରାଜ୍ୟଗୁଡିର ସରକାରରେ ଥିବା ପ୍ରାୟ ସମସ୍ତ ଦଳ ଏନଡିଏରେ ସାମିଲ ଅଛନ୍ତି। ହେଲେ ଓଡିଶା ପରି କେତୋଟି ରାଜ୍ୟ ଏନଡିଏରେ ସାମିଲ ନ ଥିଲେ ମଧ୍ୟ କେନ୍ଦ୍ର ସରକାରଙ୍କୁ ସମର୍ଥନ ଦେଇ ଆସୁଛନ୍ତି। ହେଲେ ରାଷ୍ଟ୍ରୀୟ ବିଜେପି ସେମାନଙ୍କ ସହିତ ଆଲୋଚନା କରି ମେଣ୍ଟ କରି ନିର୍ବାଚନ ଲଢିବା ପାଇଁ ନିଷ୍ପତି କରିଛି ସ୍ପଷ୍ଟ ହୋଇଛି। ସେଥିପାଇଁ ଏହି ସବୁ ରାଜ୍ୟକୁ ବିଜେପି ବାଦ ଦେଇଛି ବୋଲି ଜଣାପଡିଛି।