ଆନ୍ଧ୍ରପ୍ରଦେଶ ର ପୂର୍ବ ମୁଖ୍ୟମନ୍ତ୍ରୀ ତଥା ତେଲୁଗୁ ଦେଶମ୍ ପାର୍ଟିର ଅଧ୍ୟକ୍ଷ ଏନ୍ ଚନ୍ଦ୍ରବାବୁ ନାଇଡୁଙ୍କୁ ବଡ଼ ଝଟକା ଲାଗିଛି । ଟିଡିପିର ଚାରି ରାଜ୍ୟସଭା ସାଂସଦ ଇସ୍ତଫା ଦେଇ ବିଜେପିରେ ଯୋଗଦେଇଛନ୍ତି । ମିଳିଥିବା ସୂଚନା ଅନୁସାରେ ରାଜ୍ୟସଭା ସଦସ୍ୟ ସିଏମ୍ ରମେଶ, ଟିଜି ଭେଣ୍ଟେକଶ୍, ଜି ମୋହନ ରାଓ ଏବଂ ଓ୍ବାଇଏସ୍ ଚୌଧୁରୀ ପ୍ରମୁଖ ବିଜେପିରେ ସାମିଲ୍ ହୋଇଛନ୍ତି। ଏହି ୪ ଜଣ ସାଂସଦ ବିଜେପି କାର୍ଯ୍ୟକାରୀ ଅଧ୍ୟକ୍ଷ ଜେପି ନଡ୍ଡାଙ୍କ ସହିତ ରାଜ୍ୟସଭା ଅଧ୍ୟକ୍ଷ ତଥା ଉପରାଷ୍ଟ୍ରପତି ଭେଙ୍କୟା ନାଇଡ଼ୁଙ୍କୁ ଭେଟି ପ୍ରଥମେ ରାଜ୍ୟସଭା ସଦସ୍ୟ ପଦରୁ ଇସ୍ତଫା ଦେଇଥିଲେ। ଏହାପରେ ସେମାନେ ବିଜେପି କାର୍ଯ୍ୟାଳୟରେ ନଡ୍ଡାଙ୍କ ଉପସ୍ଥିତିରେ ବିଧିବଦ୍ଧ ଭାବେ ପଦ୍ମ ଧରିଛନ୍ତି। ଟିଡିପିର ରାଜ୍ୟସଭାରେ ସର୍ବମୋଟ ସଦସ୍ୟ ସଂଖ୍ୟା ୬ ରହିଥିବାବେଳେ ଏଥିରୁ ଚାରିଜଣ ସଦସ୍ୟ ଯଦି ଦଳ ଛାଡିଛନ୍ତି । ଚଳିତ ଲୋକସଭା ଓ ବିଧାନସଭାରେ ଟିଡିପିକୁ ମାତ୍ ଦେଇ ଓ୍ବାଇଏସ୍ଆର୍ କଂଗ୍ରେସ । ୨୫ ଲୋକସଭା ଆସନରୁ ମାତ୍ର ୩ଟି ଆସନ ଟିଡିପି ପାଇଥିବାବେଳେ ମୋଟ ୧୭୫ଟି ବିଧାନସଭା ଆସନରୁ ୨୩ଟି ଆସନ ଅକ୍ତିଆର କରିଥିଲା ଟିଡିପି ।
