ଓଡ଼ିଶା ଛୁଇଲା ଦକ୍ଷିଣ-ପଶ୍ଚିମ ମୌସୁମୀ ବାୟୁ । ୭୨ ଘଣ୍ଟା ଭିତରେ ସାରା ଓଡ଼ିଶାରେ ମୌସୁମୀ ବର୍ଷା ହେବ ବୋଲି ଆଇଏମ୍ଡିର ବରିଷ୍ଠ ବୈଜ୍ଞାନିକ ମୃତ୍ୟଞ୍ଜୟ ମହାପାତ୍ର ସୂଚନା ଦେଇଛନ୍ତି । ପ୍ରାୟ ସପ୍ତାହେରୁ ଅଧିକ ବିଳମ୍ବରେ ଓଡ଼ିଶା ଛୁଇଁଛି ମୌସୁମୀ । ତେବେ ପ୍ରାକ୍ ମୌସୁମୀ ଯୋଗୁଁ ରାଜ୍ୟରେ ପାଗ ଟିକେ ପରିବର୍ତ୍ତନ ହୋଇଥିଲା । ଚଳିତଥର ସ୍ବାଭାବିକ ବର୍ଷା ହେବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଥିଲା । ରାଜ୍ୟରେ ଚାଲିଥିବା ହିଟ୍ଓ୍ବେଭ୍ରୁ ଟିକେ ଶାନ୍ତି ମିଳିଛି । କିନ୍ତୁ ମୌସୁମୀର ବିଳମ୍ବ ଓ ଗତିଧାରା ଟିକେ ମନ୍ଥର ଥିବାରୁ ଦେଶର ଅଧିକାଂଶ ସ୍ଥାନରେ ହିଟ୍ଓ୍ବେଭ୍ ଲାଗି ରହିଛି । ବିହାରରେ ଲୁ ପ୍ରଭାବରେ ୧୦୦ ଲୋକଙ୍କର ମୃତ୍ୟୁ ହୋଇଛି । ଜୁନ୍ ୮ ତାରିଖରେ ଦକ୍ଷିଣ ପଶ୍ଚିମ ମୌସୁମୀ କେରଳ ଉପକୂଳ ଛୁଇଁଥିଲା ।
Tags:
