ଅଶ୍ବିନୀ ବୈଷ୍ଣ୍ବବଙ୍କୁ ରାଜ୍ୟସଭା ପ୍ରାର୍ଥୀ କରାଯିବା ଓ ତାଙ୍କୁ ବିଜେଡ଼ି ସମର୍ଥନ କରିବା ନେଇ ଓଡ଼ିଶା ରାଜନୀତି ବେଶ୍ ସରଗରମ ରହିଥିବାବେଳେ ଏହି ପ୍ରସଙ୍ଗ ନେଇ ପ୍ରତିକ୍ରିୟା ରଖିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏହା ଏକ ଗୁପ୍ତ ବୁଝାମଣା ନୁହେଁ, ବରଂ ଖୋଲା ବୁଝାମଣା ବୋଲି କହିଛନ୍ତି ଧର୍ମେନ୍ଦ୍ର ପ୍ରଧାନ। ଗଣତନ୍ତ୍ରରେ ବୁଝାମଣାର ଆବଶ୍ୟକତା ଥାଏ। ଅଶ୍ବିନୀଙ୍କ ଭୂମିକା ରାଜ୍ୟ ଓ ଦଳକୁ ସହାୟକ ହେବ, ବିକାଶ ପାଇଁ ବୁଝାମଣାର ଆବଶ୍ୟକତା ଥାଏ, ଏହି ଘଟଣା ଏକ ଭଲ ପରମ୍ପରା ସୃଷ୍ଟି କରିଛି। ବିଜେଡିର ସମର୍ଥନରେ କୌଣସି ଗୁପ୍ତ ବୁଝାମଣା ନାହିଁ, ଓଡ଼ିଶାର ବିକାଶ ପାଇଁ ତାଙ୍କୁ ପ୍ରାର୍ଥୀ କରାଯାଇଛି, କାହାର ଲାଭ ଓ କ୍ଷତି ହେବ ତାହା ସମୟ କହିବ ବୋଲି ମତ ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।
Tags:
