ଖୋର୍ଦ୍ଧା/ନିରାକରପୁର: ମଦ୍ୟ ପାନ କରି ଗାଦି ଚଳାଇବା ଚାଳକଙ୍କୁ ମହଙ୍ଗା ପଡିଛି। ଯାହା ଫଳରେ ଭରସାମ୍ୟ ହରାଇ ଖୋର୍ଦ୍ଧା ଜିଲ୍ଲା ୧୬ ନମ୍ବର ଜାତୀୟ ରାଜପଥ ବଡ଼ ପୋଖରୀଆ ଛକ ନିକଟରେ ପେଟ୍ରୋଲ କଣ୍ଟେନର ଓଲଟି ପଡିଛି। ଚାଳକଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି। ଖବର ପାଇ ଘଟଣା ସ୍ଥଳରେ ନିରାକାରପୁର ପୋଲିସ ପହଞ୍ଚିଛି।
ମଙ୍ଗଳବାର ମଧ୍ୟାହ୍ନରେ ବାଲୁଗାଁରୁ ପେଟ୍ରୋଲ ଖାଲି କରି ଗୋଟିଏ ପେଟ୍ରୋଲ କଣ୍ଟେନର ପାରାଦ୍ୱୀପ ଅଭିମୁଖେ ଯାଉଥିଲା। କଣ୍ଟେନର ଚାଳକ ଜଣକ ଅତ୍ୟଧିକ ମଦ୍ୟପନ କରିଥିବାରୁ ଗାଡି ଉପରୁ ସେ ନିୟନ୍ତ୍ରଣ ହରାଇଥିଲେ। ଫଳରେ ବଡ଼ ପୋଖରିଆ ଛକରେ କଣ୍ଟେନର ଟି ରାସ୍ତା କଡ଼ରେ ଥିବା ଆମ୍ବ ଦୋକାନକୁ ଧକ୍କା ଦେଇଥିଲା। ରାସ୍ତା କଡ଼କୁ କଣ୍ଟେନର ଟି ଓଲଟି ପଡ଼ିଥିଲା।
ଖବର ପାଇ ନିରାକାରପୁର ପୋଲିସ ଘଟଣା ସ୍ଥଳରେ ପହଞ୍ଚି ଗୁରୁତର ଟ୍ରକ ଚାଳକଙ୍କୁ ଉଦ୍ଧାର କରି ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲା। ଏପଟେ କଣ୍ଟେନର ଧକ୍କାରେ ଆମ୍ବ ଦୋକାନ କଡ଼ରେ ଥିବା ଏକ ଅଟୋ ରିକ୍ସା ଭାଙ୍ଗି ରୁଜି ଚୂରମାର ହୋଇଛି। ପୋଲିସ ଚାଳକଙ୍କୁ ଅଟକ ରଖି ତଦନ୍ତ କରୁଛି।