ଷୋଡଶ ବିଧାନସଭାର ପ୍ରଥମ ଅଧିବେଶନର ପ୍ରଥମ ଦିନରେ କଂଗ୍ରେସ ବିଜେଡ଼ିକୁ ଘେରିଛି। ବିନା ଘୋଷଣାର ବିରୋଧୀ ଦଳ ନେତା ପ୍ରସଙ୍ଗରେ ବାଚସ୍ପତିଙ୍କୁ ପ୍ରଶ୍ନ କରିବା ସହିତ ବିଜେଡ଼ି ଉପରେ ମଧ୍ୟ ଆକ୍ଷେପ କରିଛି କଂଗ୍ରେସ। ମେଣ୍ଟ ଘୋଷଣା ନ କଲେ ବି ଉଭୟ ଦଳ ଏକାଠି ରହିଛନ୍ତି କହିବା ସହିତ ବିଜେଡିକୁ ବିଜେପିର ଅଂଶୀଦାର ଦଳ ବୋଲି କହିଥିଲେ କଂଗ୍ରେସ ବିଧାୟକ ନରସିଂହ ମିଶ୍ର। ତେବେ ଏହି ପ୍ରସଙ୍ଗରେ ଜବାବ ରଖିଛନ୍ତି ସରକାରୀ ଦଳର ମୁଖ୍ୟ ସଚେତକ ପ୍ରମିଳା ମଲ୍ଲିକ। ଏହି ପ୍ରସଙ୍ଗରେ ମଲ୍ଲିକ କହିଛନ୍ତି ଯେ, ବିରୋଧୀ ଦଳ ନେତାଙ୍କ ନାଁ ବାଚସ୍ପତିଙ୍କ କାର୍ଯ୍ୟାଳୟକୁ ଆସିସାରିଥିଲା। ତେଣୁ ବାଚସ୍ପତି ବିରୋଧୀ ଦଳ ନେତାଙ୍କ ନାଁ ସମ୍ବୋଧନ କରିଥିଲେ। ରାଜ୍ୟର ଉନ୍ନତି ପାଇଁ ବିଜେଡି ରାଜ୍ୟସଭା ଆସନରେ ବିଜେପିକୁ ସମର୍ଥନ କରିଛି। କୌଣସି ଦଳର ଅଂଶୀଦାର ବିଜେଡ଼ି ନୁହେଁ ବୋଲି ପ୍ରମିଳା କହିଛନ୍ତି।
Tags:
