ଫିଲ୍ମ ଫ୍ରାଇଡେ ରେ ଆଜି ରିଲିଜ୍ ହୋଇଛି ଆୟୁଷ୍ମାନ ଖୁରାନାଙ୍କ ଅଭିନୀତ ଫିଲ୍ମ ‘ଆର୍ଟିକଲ୍ ୧୫’। ଏଥିରେ ଆୟୁଷ୍ମାନ ଜଣେ ପୁଲିସ୍ ଅଫିସର୍ ଭୂମିକାରେ ନଜର ଆସିଛନ୍ତି। ଏଥିରେ ତାଙ୍କୁ ସିରିୟସ୍ ଲୁକ୍ରେ ଦେଖିବାକୁ ମିଳୁଛି। ଭାରତୀୟ ସମ୍ବିଧାନର ଧାରା ୧୫କୁ ନେଇ ତିଆରି ହୋଇଛି ଏହି ଇନଭେଷ୍ଟିଗେଟିଭ୍ ଡ୍ରାମା ଫିଲ୍ମ। ସତ୍ୟ ଘଟଣାବଳୀ ଉପରେ ଆଧାରିତ ଏହି ଫିଲ୍ମରେ ଆୟୁଷ୍ମାନଙ୍କ ସହ ଇଶା ତଲଓ୍ୱାର୍ ଓ ସୟାନୀ ଗୁପ୍ତା, କୁମୁଦ ମିଶ୍ରା, ମହମ୍ମଦ ଜୀଶାନ ପ୍ରମୁଖ ନଜର ଆସିଛନ୍ତି। ଅନୁଭବ ସିହ୍ନାଙ୍କ ନିର୍ଦ୍ଦେଶିତ ଏହି ଫିଲ୍ମଟିରେ ଉତ୍ତରପ୍ରଦେଶର ଜାତିପ୍ରଥା ଅତି ନିଚ୍ଛକ ଭାବରେ ପ୍ରଦର୍ଶନ କରାଯାଇଛି। ପ୍ରଥମ ଥର ପାଇଁ ହିନ୍ଦି ସିନେମାରେ ଜାତିପ୍ରଥାକୁ ବାସ୍ତବିକ୍ ଢଙ୍ଗରେ ଦେଖାଯାଇଥିବାରୁ ଫିଲ୍ମକୁ ସମାଲୋଚକମାନେ ବହୁତ ପସନ୍ଦ କରିଛନ୍ତି।
Tags:
