କୋଲକାତାରେ ୩ଜି ସେବା ବନ୍ଦ କରିବାକୁ ଯାଉଛି ଭାରତୀ ଏୟାରଟେଲ। ଶୁକ୍ରବାର କମ୍ପାନୀ ପକ୍ଷରୁ କରାଯାଇଥିବା ଘୋଷଣା ଅନୁଯାୟୀ ଖୁବ୍ ଶୀଘ୍ର କୋଲକାତାରେ ଏହି ସେବା ବନ୍ଦ କରାଯିବ। ପୂର୍ବରୁ ୯୦୦ ମେଗାହର୍ଜର ବାରମ୍ବାରତାରେ କମ୍ପାନୀ ୩ଜି ସେବା ପ୍ରଦାନ କରୁଥିଲା। ମାତ୍ର ବର୍ତ୍ତମାନ କମ୍ପାନୀ ପକ୍ଷରୁ ସମାନ ବାରମ୍ବାରତାରେ ୪ଜି ସେବା ପ୍ରଦାନ କରାଯିବାର ନିଷ୍ପତ୍ତି ନିଆଯାଇଛି। ପୂର୍ବରୁ କମ୍ପାନୀ ୧୮୦୦ ମେଗାହର୍ଜ ଏବଂ ୨୩୦୦ ମେଗାହର୍ଜର ବାରମ୍ବାରତାରେ ମଧ୍ୟ ୪ଜି ସେବା ପ୍ରଦାନ କରୁଥିଲା। ଏହି ଧାରାରେ ନୂତନ ଭାବରେ ସାମିଲ କରାଯାଇଛି ୯୦୦ ମେଗାହର୍ଜ। ଏହା ସହିତ ୪ଜି ମୋବାଇଲ ନଥିବା ଗ୍ରାହକମାନେ ୩ଜି ସେବା ପରିବର୍ତ୍ତେ ୨ଜି ସେବାର ଫାଇଦା ହାସଲ କରିପାରିବେ ବୋଲି ଏୟାରଟେଲ ପକ୍ଷରୁ ପ୍ରକାଶ କରାଯାଇଛି। ୩ଜି ବ୍ୟବହାରକାରୀ ଗ୍ରାହକ ନିଜର ଫୋନ୍ ଅପଡେଟ୍ କରାଇ ନେବା ପାଇଁ କମ୍ପାନୀ ପକ୍ଷରୁ କୁହାଯାଇଛି।
Tags:
