ଫିଫା ମହିଳା ବିଶ୍ବକପ୍ରେ ତୃତୀୟ ଥର ବିଜେତା ହେବା ନେଇ ଜର୍ମାନୀର ଆଶା ଆଶାରେ ରହି ଯାଇଛି। ସ୍ବିଡେନ୍ ୨-୧ ଗୋଲ୍ରେ ଜର୍ମାନୀକୁ ପରାସ୍ତ କରିବା ସହିତ ପ୍ରଥମ ଥର ପାଇଁ ସେମିରେ ପହଞ୍ଚି ଯାଇଛି। ସ୍ବିଡେନ୍ ପକ୍ଷରୁ ସୋଫିଆ ଜାକବ୍ସନ୍ ଏବଂ ସିଟ୍ନା ବ୍ଲାକ୍ଷ୍ଟେନସ୍ ପ୍ରତ୍ୟୋକ ଗୋଟିଏ ଲେଖାଏଁ ଗୋଲ ସ୍କୋର କରିଥିଲେ। ଏହି ବିଜୟ ସହିତ ୨୦୧୬ ଅଲମ୍ପିକ୍ସ ପରାଜୟର ପ୍ରତିଶୋଧ ନେଇଛି ସ୍ବିଡେନ୍। ସ୍ବିଡେନ୍ ନିଜର ଆସନ୍ତା ମୁକାବିଲା ବୁଧବାର ନେଦରଲ୍ୟାଣ୍ଡ ବିପକ୍ଷରେ ଖେଳିବ। ପ୍ରଥମ ସେମିଫାଇନାଲ ଲିଓନ୍ରେ ଅନୁଷ୍ଠିତ ହେବ। ମ୍ୟାଚ୍ର ୧୬ ତମ ମିନିଟ୍ରେ ଜର୍ମାନୀ ପକ୍ଷରୁ ଲିନା ମାଗୁଲ୍ ଗୋଲ୍ ସ୍କୋର କରି ଅଗ୍ରଣୀ ପ୍ରଦାନ କରିଥିଲେ ମଧ୍ୟ ସ୍ବିଡେନ୍ ବିଜୟୀ ହୋଇଥିଲା।
Tags:
