ସାରା ବିଶ୍ବରେ ଭଗବାନ ଶ୍ରୀକୃଷ୍ଣଙ୍କ ଭକ୍ତିର ପ୍ରଚାର ଓ ପ୍ରସାର କରୁଥିବା ଅନ୍ତର୍ରାଷ୍ଟ୍ରୀୟ ସଂସ୍ଥା ଇସ୍କନ୍ ତରଫରୁ ପଶ୍ଚିମବଙ୍ଗର ଟିଏମସି ସାଂସଦ ନୁସରତ୍ ଜହାଁଙ୍କୁ ରଥଯାତ୍ରାରେ ମୁଖ୍ୟ ଅତିଥି ରୂପେ ଯୋଗେଦବାକୁ ନିମନ୍ତ୍ରଣ କରାଯାଇଛି । ନୁସରତ୍ ମଧ୍ୟ ଏହି ପ୍ରସ୍ତାବକୁ ସ୍ବୀକାର କରିଛନ୍ତି । ବସୀରହାଟର ସାଂସଦ ସଂସଦକୁ ସିନ୍ଦୂର ଓ ଚୁଡି ପିନ୍ଧି ଆସି ବେଶ୍ ଚର୍ଚ୍ଚାରେ ରହିଥିଲେ । ନୁସରତ୍ଙ୍କୁ ଅତିଥି କରିବା ବାବଦରେ ଇସ୍କନର ପ୍ରବକ୍ତା କହିଛନ୍ତି ଯେ, – ‘ଆମେ ସବୁ ଧର୍ମକୁ ସମ୍ମାନ ଦେଉ, ଆମ ଆଦର୍ଶ ସହିତ ନୁସରତ୍ଙ୍କ ବିଚାର ମଧ୍ୟ ମିଶୁଛି । ସେ ସବୁ ଧର୍ମକୁ ଆଦର କରନ୍ତି । ଏହା ସହିତ ସେ ଜଣେ ରାଜନେତ୍ରୀ । ତାଙ୍କର ଆଦର୍ଶ ଓ ବିଚାରାଧାରା ଆଜିକାଲିର ଯୁବସମାଜକୁ ନିଶ୍ଚୟ ଭାବରେ ପ୍ରଭାବିତ କରିବ । ଏଥିପାଇଁ ତାଙ୍କୁ ନିମନ୍ତ୍ରଣ ଦିଆଯାଇଛି ବୋଲି କୁହାଯାଇଛି । ନୁସରତ୍ ମଧ୍ୟ କହିଛନ୍ତି ଯେ, ସେ ଧର୍ମନିରପେକ୍ଷ ଥିଲେ, ଅଛନ୍ତି ଓ ରହିବେ ମଧ୍ୟ । ସେ ସମସ୍ତ ଧର୍ମଙ୍କୁ ସମ୍ମାନ ଦିଅନ୍ତି । ଏହି ବିଚାରଧାରା ବଦଳିବ ନାହିଁ । କିଛି କଠୋରପନ୍ଥୀ ମୁସଲିମ୍ ତାଙ୍କର ସିନ୍ଦୂର ଓ ଚୁଡ଼ି ପିନ୍ଧିବାକୁ ନେଇ ଆପତ୍ତି ଉଠାଇଥିଲେ । ଏପରିକି ଉତ୍ତରପ୍ରଦେଶର ଦେବବନ୍ଧ ମୌଲବୀଙ୍କ ଏକ ସଙ୍ଗଠନ ନୁସରତ୍ଙ୍କ ବିରୋଧରେ ଫତ୍ଓ୍ବା ଜାରି କରିଥିଲେ । ମୌଲବୀ ନୁସରତ୍ ଅଲଗା ଧର୍ମରେ ବିବାହ କରି ଇସଲାମ୍ ଧର୍ମକୁ ଅପମାନ କରିଛନ୍ତି ଓ ତାଙ୍କର ବସ୍ତ୍ର ‘ଅଣ ଇସଲାମିକ ବୋଲି ଦର୍ଶାଇଛନ୍ତି । ୨୯ ବର୍ଷୀୟା ନୁସରତ୍ ଜୁନ୍ରେ ତୁର୍କୀଠାରେ ବ୍ୟବସାୟୀ ନିଖିଲ୍ ଜୈନ୍ଙ୍କୁ ବିବାହ କରିଛନ୍ତି । ବିବାହର କିଛି ଦିନ ପରେ ସାଂସଦ ରୂପେ ସଂସଦରେ ଶପଥ ନେଇଥିଲେ । ଏହି ସମୟରେ ସେ ଶାଢୀ, ସିନ୍ଦୂର ଓ ଚୁଢି ପିନ୍ଧିଥିବାର ନଜର ଆସିଥିଲେ । ଯାହାକୁ ନେଇ ଏବେ ବେଶ୍ ଚର୍ଚ୍ଚା ହୋଇଥିଲା ।
