75 ହଜାର ଡଲାର ପୁରସ୍କାର ରାଶି ବିଶିଷ୍ଟ କାନାଡା ଓପନ୍ ସୁପର 100 ବ୍ୟାଡମିଣ୍ଟନ ପ୍ରତିଯୋଗିତାର ପ୍ରିକ୍ବାର୍ଟରରେ ପହଞ୍ଚିଛନ୍ତି ଦୁଇ ଭାରତୀୟ ଖେଳାଳି ପି କଶ୍ୟପ୍ ଏବଂ ସୌରଭ ବର୍ମା । ରାଜ୍ୟଗୋଷ୍ଠୀ ସ୍ବର୍ଣ୍ଣ ପଦକ ବିଜେତା ପି କଶ୍ୟପ୍ ଟୁର୍ଣ୍ଣାମେଣ୍ଟର ଷଷ୍ଠ ସିଡ୍ର ମାନ୍ୟତା ପାଇଥିବା ବେଳେ ଫ୍ରାନ୍ସର ଲୁକାସ୍ କର୍ଭିଙ୍କୁ 21-12 ଏବଂ 21-17 ପଏଣ୍ଟରେ ପରାସ୍ତ କରି ଅନ୍ତିମ 16 ମଧ୍ୟରେ ସ୍ଥାନ ସୁରକ୍ଷିତ କରିଥିଲେ । ସେହିପରି ଜାତୀୟ ଚାମ୍ପିୟନ୍ ସୌରଭ ବର୍ମା କାନାଡାର ବି ଆର୍ ସଙ୍କୀର୍ଥଙ୍କୁ ପରାସ୍ତ କରି ଅନ୍ତିମ 16ରେ ସ୍ଥାନ ପକ୍କା କରିଛନ୍ତି । 21-14 ଏବଂ 21-11ର ସିଧାସଳଖ ସେଟ୍ରେ ବିଜୟୀ ହୋଇଥିଲେ ସୌରଭ ବର୍ମା । କଶ୍ୟପ ନିଜର ଆଗାମୀ ମୁକାବିଲାରେ ଚୀନ୍ର ରେନ୍ ପେଙ୍ଗ ବୋଙ୍କୁ ଭେଟିବେ ସେହିପରି ବର୍ମା ନିଜର ଆଗାମୀ ମୁକାବିଲାରେ ଚୀନ୍ର ସୁନ୍ ଫେଇ ଜିଆଙ୍ଗ ବିପକ୍ଷରେ ଖେଳିବେ ।
Sourabh enter prequarterfinals of Canada Openjpg