ଚଳିତ ମାସ ଜୁଲାଇ 17 ତାରିଖରେ କୁଳଭୂଷଣ ଯାଦବଙ୍କ ମୃତ୍ୟୁଦଣ୍ଡ ମାମଲାର ରାୟ ପ୍ରକାଶ ପାଇବ ଆଇସିଜେ। ପାକିସ୍ତାନ ଜେଲରେ ବନ୍ଦୀ ଥିବା ଏହି ଭାରତୀୟ ନାଗରିକଙ୍କ ମୃତ୍ୟୁଦଣ୍ଡ ଉପରେ ରହିତାଦେଶ ମାମଲାର ଚୂଡ଼ାନ୍ତ ରାୟ ପ୍ରକାଶ କରିବ। ଏହା ଉପରେ ଭାରତ ଓ ପାକିସ୍ତାନ ସମେତ ବିଶ୍ବର ଅନେକ ଦେଶର ଦୃଷ୍ଟି ରହିଛି। ଚଳିତ ବର୍ଷ ଫେବୃଆରୀ 18 ରୁ 21 ତାରିଖ ପର୍ଯ୍ୟନ୍ତ ଶେଷଥର ଆଇସିଜେରେ ଏହି ମାମଲାର ଶୁଣାଣି ହୋଇଥିଲା। ନେଦରଲାଣ୍ଡସ୍ଥିତ ଦ ହେଗ୍ର ପିସ୍ ପ୍ୟାଲେସରେ ଫେବୃଆରୀ 18ରୁ 21 ପର୍ଯ୍ୟନ୍ତ ଉଭୟ ରାଷ୍ଟ୍ର ନିଜର ପକ୍ଷ ରଖିଥିଲେ। ଉଭୟ ପକ୍ଷର ଯୁକ୍ତି ଓ ଦଲିଲ ଶୁଣିବା ପରେ ଆଇସିଜେ ନିଜ ରାୟ ସଂରକ୍ଷିତ ରଖିଥିବା କୁହାଯାଉଛି। ଏହି କ୍ରମରେ ଚଳିତ ମାସ 17 ସୁଦ୍ଧା ଚୂଡ଼ାନ୍ତ ରାୟ ପ୍ରକାଶ ପାଇବ ବୋଲି ଜଣା ପଡିଛି।
Tags:
